大灰熊廚房

營業中

休息中

今日陪朋友去拎身分證，就順便係附近揾食。帝景灣樓下嘅商場都有好幾間餐廳，今晚想食中式，就揀咗呢間大灰熊廚房。除咗有舒適嘅卡位，仲有幾張大圓枱，一家大細黎食就啱哂，係用餐期間都見到唔少外賣單！前菜係自家製醃蘿蔔青瓜，個人最鍾意白蘿蔔，爽口夠酸超開胃！因為要減肥要減食量，所以淨係叫咗兩款小菜店員推介小菜，蒜香一字骨同千島蝦球。所有小菜都係即叫即製，保證上枱新鮮熱辣辣！蒜香一字骨係用左單骨雞翼，食起上黎方便啲，一字骨炸到好香口，加埋新鮮蒜加乾蒜一齊炒香，又係一道下酒好菜！千島蝦球，大粒又彈牙嘅蝦球裹左薄粒再炸到外皮酥脆，再撈埋邪惡千島醬，食落唔油膩，酸酸甜甜好適合夏天食。伴碟用咗沙律菜，整體菜式顏色豐富！