影片
更多
2021-06-16
95 瀏覽
希慎3樓中庭位置開咗lifetastic 座位闊落開揚 有多張卡位 所以成餐晚飯都好舒服！餐牌有好多唔同種類嘅食物選擇 每款都帶有新派嘅煮法 價錢都相當親民👍🏻前菜叫咗個crab & watermelon tartare 呢個配搭真係第一次見 估唔到咁fresh咁夾😍 蟹肉嘅份量都特別多 非常開胃😋仲做咗個北海道刺身級帶子！帶子特別鮮甜俾咗好多塊我哋 啖啖都係帶子鮮味 而且佢哋嘅煮法好新穎 下面有有啲泡沫帶出帶子嘅味道幾得意！主菜都有好多唔同選擇 由肉類去到意粉都琳琅滿目， 我哋就叫咗一個豬一個鵪鶉，兩樣都好好食。先講個豬，喺上面鋪咗芝士喺度，但係都一啲都唔膩，反而同豬嘅味道好夾，而且仲有啲黑松露嘅味道喺度特別清新！我哋最鍾意就係就係呢個法國嘅鵪鶉，佢整到肉質好嫩滑，份量非常之多，而且出面薄薄嘅皮亦都煎得好香口仲，搽咗少少甜甜地嘅蜜糖喺度，而我最欣賞嘅係佢可以有創新嘅精神，配南瓜醬亦都可以配士多啤梨醬，估唔到亦都可以咁夾，連配菜都好好味，薯仔好香口。呢度嘅甜品都係非常出名，其中我哋叫咗個荔枝西瓜蛋糕，佢綜合左荔枝，西瓜同埋玫瑰嘅味道，中間仲有少少開心果喺度增加佢嘅口感，大滿足！朱古力茉
餐牌有好多唔同種類嘅食物選擇 每款都帶有新派嘅煮法 價錢都相當親民👍🏻
前菜叫咗個crab & watermelon tartare 呢個配搭真係第一次見 估唔到咁fresh咁夾😍 蟹肉嘅份量都特別多 非常開胃😋
仲做咗個北海道刺身級帶子！帶子特別鮮甜俾咗好多塊我哋 啖啖都係帶子鮮味 而且佢哋嘅煮法好新穎 下面有有啲泡沫帶出帶子嘅味道幾得意！
主菜都有好多唔同選擇 由肉類去到意粉都琳琅滿目， 我哋就叫咗一個豬一個鵪鶉，兩樣都好好食。先講個豬，喺上面鋪咗芝士喺度，但係都一啲都唔膩，反而同豬嘅味道好夾，而且仲有啲黑松露嘅味道喺度特別清新！
我哋最鍾意就係就係呢個法國嘅鵪鶉，佢整到肉質好嫩滑，份量非常之多，而且出面薄薄嘅皮亦都煎得好香口仲，搽咗少少甜甜地嘅蜜糖喺度，而我最欣賞嘅係佢可以有創新嘅精神，配南瓜醬亦都可以配士多啤梨醬，估唔到亦都可以咁夾，連配菜都好好味，薯仔好香口。
呢度嘅甜品都係非常出名，其中我哋叫咗個荔枝西瓜蛋糕，佢綜合左荔枝，西瓜同埋玫瑰嘅味道，中間仲有少少開心果喺度增加佢嘅口感，大滿足！朱古力茉莉花茶蛋糕都一流😋
另外飲品都好多選擇，其中一個係牛油果奶昔唔會太甜太邪惡，甜度好啱我哋飲。而另一杯係伯爵茶朱古鮮花 下次好想再叫返一杯！
張貼
