影片
更多
2017-09-03
184 瀏覽
早兩個星期去太古坊附近買便當時，就已經留意到海堤街有間設計得似 Café 嘅食肆，餐廳叫「點·子·巷」，在巷子內賣點子，名字改得很有心思。看過門外的餐牌，原來是一間主打摩登台菜嘅店子，感覺特別，加上見定價亦頗合理，所以趁周日就兩口子來嘗新。因為上次路過時，見餐廳環境不大，座位亦不多，所以這天就特意揀了接近下午茶時段才到訪。推開玻璃趟門內進，由於剛過了午市繁忙時間，店裡食客不多，只有「小貓三、四隻」，可以慢慢點菜，再慢慢品嘗，真爽！服務員送上兩份餐牌，原來店員見我倆到達嘅時間，剛好還有 5 分鐘就到下午茶時段，所以說可以讓我們自由選擇吃午餐又或者下午茶套餐；小店就有呢度好，勝在夠靈活。如果唔啱食，客人亦可以喺散點嘅單張入面，自行挑選，有台式小食、回味小菜、素食特選及自家製特飲等。那就先點客藥膳雞煲配珍珠飯+熱羅漢果茶 ($66)，一邊吃、一邊再慢慢揀。藥膳雞以一個粉紅色小鍋盛上，揭開煲蓋，雞件浸於湯內，約有五、六件，全部都切得大小相若。至於湯頭，入面有黨參、北芪、紅棗及杞子等，舀起呷一口，藥材味非常濃郁，既滋潤又補身。挾起雞塊，肉質雖然唔算好嫩滑，但咬下皮薄少油脂，多吃也不會膩，加上珍珠
早兩個星期去太古坊附近買便當時，就已經留意到海堤街有間設計得似 Café 嘅食肆，餐廳叫「點·子·巷」，在巷子內賣點子，名字改得很有心思。看過門外的餐牌，原來是一間主打摩登台菜嘅店子，感覺特別，加上見定價亦頗合理，所以趁周日就兩口子來嘗新。
因為上次路過時，見餐廳環境不大，座位亦不多，所以這天就特意揀了接近下午茶時段才到訪。推開玻璃趟門內進，由於剛過了午市繁忙時間，店裡食客不多，只有「小貓三、四隻」，可以慢慢點菜，再慢慢品嘗，真爽！
服務員送上兩份餐牌，原來店員見我倆到達嘅時間，剛好還有 5 分鐘就到下午茶時段，所以說可以讓我們自由選擇吃午餐又或者下午茶套餐；小店就有呢度好，勝在夠靈活。如果唔啱食，客人亦可以喺散點嘅單張入面，自行挑選，有台式小食、回味小菜、素食特選及自家製特飲等。
那就先點客藥膳雞煲配珍珠飯+熱羅漢果茶 ($66)，一邊吃、一邊再慢慢揀。藥膳雞以一個粉紅色小鍋盛上，揭開煲蓋，雞件浸於湯內，約有五、六件，全部都切得大小相若。至於湯頭，入面有黨參、北芪、紅棗及杞子等，舀起呷一口，藥材味非常濃郁，既滋潤又補身。挾起雞塊，肉質雖然唔算好嫩滑，但咬下皮薄少油脂，多吃也不會膩，加上珍珠飯嘅飯香，吃下去特別暖胃窩心。
套餐跟一杯可潤肺止咳嘅熱羅漢果茶，味道甜甜地、好易入口，而且可以增強身體免疫力。另外客人亦可以用半價加配餐廳嘅自家特飲，見咁抵，所以亦點咗杯冰花洛神青檸梳打 (+$15) 試試，攪勻後馬上啜一口，味道微酸、帶清新花果香，用來配煎炸香口小食就最適合不過。
午市套餐有 5 款人氣小食可供追加，包括有炸腐皮魚角、椒鹽花枝丸、芝心釀雞翼和我倆點嘅椒鹽台腸片 ($22) 及溏心蛋 ($10/隻)。前者椒鹽台腸片，一份約有七塊，邊位煎得好香脆，咬下肥瘦均勻，而且椒鹽味適中又不會太「辣」，就算依家諗番起都想再食。至於溏心蛋，中間嘅蛋黃沒呈流心狀，而且蛋汁亦欠奉，初頭的確有點失望，幸好吃時發現原來蛋黃頗挺身飽滿、帶濃郁蛋香，而蛋白入口亦夠彈性，味道不過不失。
散點方面，揀咗客點子蝦醬腩肉配船家湯粉 ($56)，講真，蝦醬蒸豬腩肉就食得多，但用蝦醬嚟炸腩肉，真係第一次品嘗。挾起腩肉一試，肉質嫩滑，口感鬆化，一點也不肥膩，而且由於用蝦醬醃過才炸，所以吃起來特別惹味鹹鮮，蘸千島醬或沙律醬吃，更有增香提味之效。配吃嘅船家湯粉，外形有點似上海麵條，將粉連湯滑進喉嚨，粉條雖然不太彈牙，但就非常滑溜，而且吸湯能力強勁，加上湯清味甜，帶水上人風味。
意猶未盡，決定加點一客蝦醬腩肉虎夾包 ($32)，再配多杯香芋珍珠奶茶。所謂虎夾包，其實即係台灣著名小吃「刈包」，而這裡的廚師亦很有創意，將入面嘅滷肉換成四件丁方大小嘅蝦醬炸腩肉，再配襯味菜、蔥花和麻醬，並以蒸籠盛上。以蝦醬醃過後再炸的腩肉，味道鹹香，而刈包的包身，口感亦非常鬆軟，滋味好吃。
香芋珍珠奶茶 ($18) 也很有水準，既冰凍又香濃口，而且由於沒加奶精，故不會感覺很甜膩。整體來說，這店子雖然舖面細細，坐位亦較窄，但由餐廳裝潢以至食物，都很有驚喜，尤其是一道蝦醬腩肉，將台式食物混入香港口味，著實令人刮目相看。
張貼
