影片
更多
2016-03-26
294 瀏覽
一個人的快飯就係搵間唔使等位，快食完快走人嘅食市。今日的主題係 ~ 咖哩。呢間清湯腩食過無數咁多次，但每次都係快食快走，連影相都唔記得，所以寫唔到食評。今次雖然記得影相，但貪平，所以有小小中伏嘅感覺。呢處D清湯腩好味就係人都知，事關呢處係用新鮮牛腩，當然係唔同d啦！平時我除左食清湯腩之外，都好鐘意食巴基斯坦咖哩薯仔牛腩飯，呢款咖哩香料特別多，冇落花奶或者椰奶，無一般咖哩咁滑，但香料味就特別濃。平時食開單叫一個巴基斯坦咖哩薯仔牛腩飯都要$65，都幾貴！今日細心睇下個餐牌，見咖哩安格斯牛腩飯套餐都係$48！乜平咁多嘅？問下呀姐呢度係咪得一種咖哩，佢答我話D咖哩汁得一種。咁我就好放心咁叫了呢個餐。點知黎到，D汁係一樣，冇錯。但D牛腩就真係........唉！係炆得林嘅。不過同平時食開果D直係差天共地。係我自己衰，冇留意“安格斯牛腩”呢幾個字，睇落“安格斯”以為好高級，忙記左美國牛就必然係急凍架啦！急凍牛又點同新鮮牛比呢？安格斯都係咁話啦！根本唔同 level。原來一直食開靚野自己唔知。咁下次唔好貪平，$65就$65啦！返唔到轉頭啦！
呢間清湯腩食過無數咁多次，但每次都係快食快走，連影相都唔記得，所以寫唔到食評。今次雖然記得影相，但貪平，所以有小小中伏嘅感覺。
呢處D清湯腩好味就係人都知，事關呢處係用新鮮牛腩，當然係唔同d啦！
平時我除左食清湯腩之外，都好鐘意食巴基斯坦咖哩薯仔牛腩飯，呢款咖哩香料特別多，冇落花奶或者椰奶，無一般咖哩咁滑，但香料味就特別濃。平時食開單叫一個巴基斯坦咖哩薯仔牛腩飯都要$65，都幾貴！今日細心睇下個餐牌，見咖哩安格斯牛腩飯套餐都係$48！乜平咁多嘅？問下呀姐呢度係咪得一種咖哩，佢答我話D咖哩汁得一種。咁我就好放心咁叫了呢個餐。點知黎到，D汁係一樣，冇錯。但D牛腩就真係........唉！係炆得林嘅。不過同平時食開果D直係差天共地。係我自己衰，冇留意“安格斯牛腩”呢幾個字，睇落“安格斯”以為好高級，忙記左美國牛就必然係急凍架啦！急凍牛又點同新鮮牛比呢？安格斯都係咁話啦！根本唔同 level。
原來一直食開靚野自己唔知。咁下次唔好貪平，$65就$65啦！返唔到轉頭啦！
題外話/補充資料：
今日杯奶茶唔知發生咩事，一陣漂白水味，飲左一啖就放底。直情飲唔落！
(以上食評乃用戶個人意見 , 並不代表OpenRice之觀點。)
張貼
