影片
更多
2009-06-25
15 瀏覽
星期一抽起條筋想食宵夜Buffet, 咁因為Sun~Wed有宵夜Buffet o既地方唔多, 合埋眼就篤九龍酒店啦~雖然無我最想食o既生蠔, 但宵夜無生蠔係正常, 佢仲話有長腳蟹, 魚生同芝之焗生蠔, $180又唔係太貴, 咁就去試下啦~去到, 坐低...已經覺得怪怪地, 因為張台同隔離張台拍到埋一埋, 隔離台講咩我又聽到, 我講咩相信隔離台唔係聾o既亦會聽到, 完全係0 Privacy. 不過咁我又唔會講咩秘密, 算喇, 出去睇下有咩食...一睇...已經有少少唔開心....之後試埋佢D o野食仲唔開心魚生: 得2款 -- 三文魚同鯛魚, 之後竟然係蟹柳放埋晌魚生o個個位...呆左~!Sushi: 因為無期望, 反而覺得可以接受~!BBQ烤腸: 呢個係全日最難食o既野~!!可能因為我覺得你煎呢D粗身o既腸點煎都係咁o既味...咁都係咁煎咖啦....好難會好好食, 好難會好難食. 點知, 條o野一入口D肉係散加無味, 個口感真係差到好似食緊Jelly咁...熱o既Jelly...本人食親Buffet都盡量唔會食剩o野, 唔想浪費, 但呢條腸我試左兩啖真係頂佢唔順要剩返半條晌度...酒店
去到, 坐低...已經覺得怪怪地, 因為張台同隔離張台拍到埋一埋, 隔離台講咩我又聽到, 我講咩相信隔離台唔係聾o既亦會聽到, 完全係0 Privacy. 不過咁我又唔會講咩秘密, 算喇, 出去睇下有咩食...一睇...已經有少少唔開心....之後試埋佢D o野食仲唔開心
魚生: 得2款 -- 三文魚同鯛魚, 之後竟然係蟹柳放埋晌魚生o個個位...呆左~!
Sushi: 因為無期望, 反而覺得可以接受~!
BBQ烤腸: 呢個係全日最難食o既野~!!可能因為我覺得你煎呢D粗身o既腸點煎都係咁o既味...咁都係咁煎咖啦....好難會好好食, 好難會好難食. 點知, 條o野一入口D肉係散加無味, 個口感真係差到好似食緊Jelly咁...熱o既Jelly...本人食親Buffet都盡量唔會食剩o野, 唔想浪費, 但呢條腸我試左兩啖真係頂佢唔順要剩返半條晌度...
酒店主打1 -- 長腳蟹: 長腳蟹D腳又唔長又唔粗...唔講我真係以為自己食緊龍蝦腳...
酒店主打2 -- 芝士焗生蠔: 係幾好味, 不過勁勁勁勁勁細隻~!!仲要我拎o個時見到每人得3隻, 咁我就問佢係咪每人只可以拎3隻....個chef話暫時每人3隻先, 陣間可以多D. 咁我OK, 返埋位等食完再拎啦....點知全晚佢淨係出得呢一輪....即係全晚得3隻...主打o野唔係Always stand by令我覺得有取巧之嫌....咁仲點叫自助餐~!?
服務: 今餐最能令我感受到自己係食緊自助餐o既就係佢地o既Service...唔知點解D Waiter行過望到隻碟真係唔會幫你執, 要你開口叫佢先執...食雪糕D Spoon要行去老連咁遠問佢拎先有....
衛生程度: D碟有D黑色 --> 係, 佢整體水平令我感到非常之不滿, 進而吹毛求疵....但佢入面竟然有蒼蠅呀!!!!!4星級酒店Cafe入面有蒼蠅對於我o黎講簡直係不能接受~!!我真係以為自己晌翠華咋~!!
張貼