影片
更多
2015-07-26
1102 瀏覽
差!一上去間餐廳陰陰暗暗,唔似食韓國嘢的感覺。一大班職員係廚房玩,睇埋餐牌,一碟炸雞要160,嘩,可能我窮,真係想走,不過朋友好想食,咁即管試下,叫左炸雞同烏東。前菜係一碟生椰菜加千島汁 ,一碟酸蘿蔔 ,呢二碟嘢真係好好食,生椰菜好生,酸蘿蔔好開胃,祝你好運啦。因為去完書展好攰,所以等都覺得ok,但由攰等到肚餓,都未到,一睇錶,原來已經半個鐘,如果成間好多人客,我都理解,但係因為已經十一點幾所以得我一枱新客,其他都食緊嘢,你都可以覺得我因為晏入去人地要收工所以無咩人做嘢,但間鋪寫營業至0400,當時2300咁我入都正常,茶木收2400我2230到佢話last order我都走,唔想阻人收工。叫個侍應問下係咪真係要咁耐,佢好型咁答我一個字''係!'',但即刻衝入廚房,搞左3分鐘,就有個烏東,個烏東就咁加左dd炸粒粒同蔥,要搞成半個鐘?即拉烏東?!食評係唔彈牙,好淋同埋好似人地食完咁樣散收收。雞肉芝士年糕,好多芝士,多到唔洗錢,但唔會有芝士個d好漏嘅感覺,雞肉好乾同好小,唔食得辣真係唔好食,年糕都得剛剛好嘅.....
一上去間餐廳陰陰暗暗,唔似食韓國嘢的感覺。一大班職員係廚房玩,睇埋餐牌,一碟炸雞要160,嘩,可能我窮,真係想走,不過朋友好想食,咁即管試下,叫左炸雞同烏東。前菜係一碟生椰菜加千島汁 ,一碟酸蘿蔔 ,呢二碟嘢真係好好食,生椰菜好生,酸蘿蔔好開胃,祝你好運啦。
因為去完書展好攰,所以等都覺得ok,但由攰等到肚餓,都未到,一睇錶,原來已經半個鐘,如果成間好多人客,我都理解,但係因為已經十一點幾所以得我一枱新客,其他都食緊嘢,你都可以覺得我因為晏入去人地要收工所以無咩人做嘢,但間鋪寫營業至0400,當時2300咁我入都正常,茶木收2400我2230到佢話last order我都走,唔想阻人收工。
叫個侍應問下係咪真係要咁耐,佢好型咁答我一個字''係!'',但即刻衝入廚房,搞左3分鐘,就有個烏東,個烏東就咁加左dd炸粒粒同蔥,要搞成半個鐘?即拉烏東?!食評係唔彈牙,好淋同埋好似人地食完咁樣散收收。
雞肉芝士年糕,好多芝士,多到唔洗錢,但唔會有芝士個d好漏嘅感覺,雞肉好乾同好小,唔食得辣真係唔好食,年糕都得剛剛好嘅.....
題外話/補充資料：
我其實都知佢漏單,咁我就食完個烏東問佢碟炸雞點,未整就唔要幫我取消同埋單,埋單依舊加埋我碟炸雞嘅錢,問佢俾單我睇,佢話無單,好!咁我用menu計,佢先返去自己計個數先啱,埋單走!有個小弟弟講左聲唔好意思,咁我都覺得ok原來仲有小小service。不過我就咁計佢前菜應該無收我錢,我唔知佢係本身唔收定收漏,但前菜俾10元我都覺得太多 :huffy:
(以上食評乃用戶個人意見 , 並不代表OpenRice之觀點。)
張貼