再興燒臘飯店

營業中

休息中

難得來灣仔附近做野，心血來潮就想再幫襯再興，食下一直都好出名的燒味飯。眼見2016米芝蓮牌掛於門口的再興，中午時分依舊大排長龍，外賣一隊，堂食一隊，也有不少遊客慕名而來。好彩人均用餐時間唔長，始終算是快食，等一回兒已有位。叫了肥叉燒燒肉飯，一上碟第一感覺是，份量少了很多，才5舊叉燒5舊燒肉，吃罷只可以說是剛好夠飽。肥叉唔算好肥，燒得算香的，肉質味重也叫做淋，但跟以往又肥又香差很遠了。燒肉更差，皮跟肉分開了，皮似放了很久已經淋晒，肉質只可以說是香口，同以往比唔同晒。整體質素比以往差了不少，希望佢之後會改善啦，始終曾是一間好味的燒味店。