466
28
23
等級4
Poke Bowl夏威夷蓋飯喺香港人氣飆升,不過間唔時食返碗做午餐係幾好嘅😛。呢日去開旺角行街食飯,見到「PokéToké」唔使等位就入去啦。店舖面積細細,有普通餐枱同高枱,裝修簡約,整體都算坐得幾舒服嘅。再者,呢度設計貼心💕,會提供籃俾客人放物品。作為夏威夷蓋飯專門店🌺🍚,呢度食乜就唔使多講。佢提供多款指定特選丼,但你亦可自行組合Mix & Match,價錢其實唔差得幾遠。我哋懶得逐樣揀🙈,所以嗌咗兩款Signature Bowl,不過值得一提嘅係佢手機落單版面顯示清晰,少飯、多醬、分開上等嘅選項通通都有得揀。題外話,小店無提供套餐,小食同飲品都要以原價加配,有少少貴😣。加州風味碗($98),主食係三文魚🐟,配菜有三文魚籽、青瓜、玉子絲以及車厘茄,醬料則係日式胡麻醬。佢可算係親子丼,皆因有齊三文魚同三文魚籽,兩者都幾新鮮。另外三款料則係傳統配搭;無聊一提,紅黃綠三隻色拼埋好靚🚥。胡麻醬味道熟悉,成個組合一齊食好夾。經典雞肉碗($78),主食係慢煮雞肉🐔,配菜有蟹柳、玉子絲以及豆腐,醬料則係凱撒沙律醬。嗌雞係因為唔想食咁多海鮮,但都驚味道唔夾。不過出到嚟幾有驚喜👍,雞肉大大粒,肉質唔嚡
更多
32 瀏覽
0 讚好
0 留言
Poke Bowl夏威夷蓋飯喺香港人氣飆升,不過間唔時食返碗做午餐係幾好嘅😛。呢日去開旺角行街食飯,見到「PokéToké」唔使等位就入去啦。
46 瀏覽
0 讚好
0 留言
店舖面積細細,有普通餐枱同高枱,裝修簡約,整體都算坐得幾舒服嘅。再者,呢度設計貼心💕,會提供籃俾客人放物品。
279 瀏覽
0 讚好
0 留言
作為夏威夷蓋飯專門店🌺🍚,呢度食乜就唔使多講。佢提供多款指定特選丼,但你亦可自行組合Mix & Match,價錢其實唔差得幾遠。
46 瀏覽
0 讚好
0 留言
我哋懶得逐樣揀🙈,所以嗌咗兩款Signature Bowl,不過值得一提嘅係佢手機落單版面顯示清晰,少飯、多醬、分開上等嘅選項通通都有得揀。題外話,小店無提供套餐,小食同飲品都要以原價加配,有少少貴😣。
加州風味碗
$98
44 瀏覽
0 讚好
0 留言
加州風味碗($98),主食係三文魚🐟,配菜有三文魚籽、青瓜、玉子絲以及車厘茄,醬料則係日式胡麻醬。佢可算係親子丼,皆因有齊三文魚同三文魚籽,兩者都幾新鮮。另外三款料則係傳統配搭;無聊一提,紅黃綠三隻色拼埋好靚🚥。胡麻醬味道熟悉,成個組合一齊食好夾。
經典雞肉碗
$78
40 瀏覽
0 讚好
0 留言
經典雞肉碗($78),主食係慢煮雞肉🐔,配菜有蟹柳、玉子絲以及豆腐,醬料則係凱撒沙律醬。嗌雞係因為唔想食咁多海鮮,但都驚味道唔夾。不過出到嚟幾有驚喜👍,雞肉大大粒,肉質唔嚡;而蟹柳絲非常多,豆腐又夠滑。我認為唯一可改善嘅地方係凱撒沙律醬偏向濃味。
16 瀏覽
0 讚好
0 留言
每個Bowl都有得揀蓋飯底:沙律菜🥗、壽司🍣或者半半。沙律菜鮮嫩,壽司飯酸度適中。識食一定揀半半,可以一次過滿足兩個願望,而且好彩咁樣嗌咋,因為份量激多,半半量嘅飯都足以填飽我哋肚仔,甚至乎兩個女仔食一碗都夠飽。另外,每碗丼均配有紫菜絲、木魚絲同黑白芝麻,我全部都要,哈哈!
黃金炸蟹鉗
$38
14 瀏覽
0 讚好
0 留言
黃金炸蟹鉗($38),小店除咗蓋飯以外,亦提供炸物小食,我哋要咗蟹鉗。即使未食,但第一感覺都唔錯,因為一客有成五件,今時今日算性價比高。🦀蟹鉗外圍包住類似魚蛋嘅粉團,口感爽彈,加上本身已經灑咗淮鹽調味,幾好食。
香蕉奶昔
$36
16 瀏覽
0 讚好
0 留言
香蕉奶昔($36/中杯),小店另外亦有自家製作奶昔,分別係香蕉同牛油果口味。我哋要咗前者,🍌香蕉味道自然,奶昔打得細滑,整體亦唔太甜,實屬健康之選。
32 瀏覽
0 讚好
0 留言
總括嚟講,呢間PokéToké幾高質,算係我食過比較好食嘅夏威夷丼,而且仲要係巨無霸份量📣,我肯定男仔都夠食!最後,佢係一間撐香港人嘅小店💛,值得大家支持啊。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-10-06
用餐途徑
堂食
人均消費
$125 (午餐)
推介美食
加州風味碗
$ 98
經典雞肉碗
$ 78
黃金炸蟹鉗
$ 38
香蕉奶昔
$ 36