有料案內所 (井財街)

營業中

休息中

我係比呢間個固力果招牌吸引咗，而又咁啱唔使點排隊，所以就入去食啦。間餐廳個環境都算係幾特別，好有日本特色，而落單係用qr code落。成個menu比你睇哂再點餐。 我就純粹想食下啲凍嘢，見佢幅圖個樣子都幾過癮又有奶蓋，所以就嗌咗個36蚊嘅芒果芝士奶蓋刨冰試下。諗住36蚊都唔大得去邊，點知一嚟到，先發現係勁大碗。 基本上個份量夠四個人食， 刨冰外層比純白色嘅奶蓋包圍住，再加上入面嘅煉奶，食落去 食到濃濃煉奶味同埋creamy嘅芝士奶蓋。 不過個敗筆係啲冰嗰度，啲冰唔係好夠smooth，一溶咗會成嚿冰黐埋一齊，所以佢個冰smooth啲嘅話會更加好。不過，36蚊嚟食咁大碗冰又真係好鬼抵。