Four O Five Coffee & Eatery

營業中

休息中

今日突然想食西餐，點知誤打誤撞發現好野！食完覺得應該改名叫巨人餐廳。🍝 卡邦尼意粉一上碟就嚇親！超大碟之餘，醬汁多到，creamy到掛住每條意粉，仲有煙肉碎同蛋香吊味，正宗唔會用鮮奶呃人。食到最後一啖都keep住水準。 🍔 和牛漢堡配薯條漢堡扒厚到犯規！和牛juicy到咬落爆肉汁，麵包烘到脆身，夾埋溶咗嘅芝士...（邪惡mode啟動）！重點係薯條即叫即炸，粗身脆皮，份量多到可以當主菜，茄汁都要追加兩兜！ 🍹 特色飲品飲品有驚喜！Oreo忌廉沙冰超邪惡，Oreo碎多到每啖都「咔嚓」聲，忌廉綿密得嚟唔會太甜，飲完成個人都涼浸浸～朋友嗰杯海鹽芝士奶蓋烏龍茶更絕，奶蓋鹹香濃郁，撞埋清醇烏龍茶，飲完成個口腔留香，解膩一流！ 🥥 芒果椰子梳乎厘明明飽到上心口，見到隔離枱個巨型梳乎厘即刻心郁！上枱先知大過塊面，搖吓仲會duang duang震～椰子忌廉香得嚟唔膩，配當造芒果肉，酸甜輕盈，三個人share先KO到！ 環境方面，小店走簡約風，乾淨舒服，仲有間VIP房可以book, 下次要搵大班friend癲過。