影片
更多
2019-12-18
1159 瀏覽
位於亞洲博覽館2樓嘅中菜廳重新裝修，喺11月份開張，裝修得十分有心思，除咗有多幅出名嘅畫作之外，係餐具選擇上亦花心思，碗碟用上法國品牌，而餐具亦由英國入口。另外，餐廳有180度嘅無敵大海景，去食飯除咗係味覺嘅享受，視覺亦都係一種享受。餐廳服務十分貼心，每位員工對餐牌好熟悉，每次上菜都會作詳盡嘅講解，對用料同烹調方法十分了解。佢哋都好細心，問我地會唔會趕住走，再按照時間安排上菜速度。菜式方面貴精不貴多，菜單明顯經過悉心挑選，有好多坊間都已經唔再做嘅手工菜。我哋叫咗兩款小食，一個係海鹽燒鮑魚，另外一個係金錢雞。海鹽燒鮑魚非常之惹味，用上新鮮鮑魚，煮得啱啱好，有口感又彈牙，配上炸過嘅紫蘇葉，非常惹味。金錢雞聽過好多次，但今次先第一次食，因為多功夫，坊間嘅餐廳已經唔再做，而今日終於試到喇！金錢雞係由雞肝，叉燒，肥豬肉，同埋中式pancake，一層一層非常之有層次，加上蜜汁非常之惹味，而餐廳細心咁配上小青瓜，賣相靚之餘亦有助去除油膩感。主菜方面，脆皮三黃雞係新鮮嘅三黃雞，外脆內軟，充滿肉汁，鮮味十足。麗湖香酥鴨亦都係手工菜之一，佢哋將鴨拆肉，加入芋頭蓉，再酥炸而成，香口之餘亦充滿芋頭香味，非常之
餐廳服務十分貼心，每位員工對餐牌好熟悉，每次上菜都會作詳盡嘅講解，對用料同烹調方法十分了解。佢哋都好細心，問我地會唔會趕住走，再按照時間安排上菜速度。
菜式方面貴精不貴多，菜單明顯經過悉心挑選，有好多坊間都已經唔再做嘅手工菜。
我哋叫咗兩款小食，一個係海鹽燒鮑魚，另外一個係金錢雞。海鹽燒鮑魚非常之惹味，用上新鮮鮑魚，煮得啱啱好，有口感又彈牙，配上炸過嘅紫蘇葉，非常惹味。
金錢雞聽過好多次，但今次先第一次食，因為多功夫，坊間嘅餐廳已經唔再做，而今日終於試到喇！金錢雞係由雞肝，叉燒，肥豬肉，同埋中式pancake，一層一層非常之有層次，加上蜜汁非常之惹味，而餐廳細心咁配上小青瓜，賣相靚之餘亦有助去除油膩感。
主菜方面，脆皮三黃雞係新鮮嘅三黃雞，外脆內軟，充滿肉汁，鮮味十足。
麗湖香酥鴨亦都係手工菜之一，佢哋將鴨拆肉，加入芋頭蓉，再酥炸而成，香口之餘亦充滿芋頭香味，非常之好食，令人再三回味。
羊肚菌炒蘆筍，加入左腰果，有唔同口感同層次，非常之好食。
甜品方面，賣相真係好靚，傳統嘅芝麻卷充滿芝麻香味。
水中花其實係一個非常之考功夫嘅豆腐花，廚師真係好犀利，將豆腐切到好似花咁，非常巧手。
最後嘅栗子creme brulee配上紫薯雪糕，唔係太甜之餘亦非常有亞洲特色。
聽餐廳經理講，佢哋想係一年之內入米芝蓮，相信憑佢哋嘅菜式，服務同埋裝修，係一年內入到米芝蓮指日可待。
張貼
