INN - I’m Not Nothing

營業中

休息中

工廈都有美食？ 位於荔枝角億利工業中心應該係佼佼者，有好多隱藏美食係唔同樓層。今次同朋友去左2樓 I‘m not nothing食西餐。餐廳裝修優雅風格，燈光微暗，有氣氛有格調。🍚北海道帶子菠菜意大利飯$138帶子煎得焦香，鎖住鮮甜肉汁，菠菜打成汁與意大利飯一齊煮，顏色靚之餘，口感清新健康，一D都唔膩。🐷慢煮西班牙黑毛豬鞍架伴香桃醬$248黑毛豬鞍經過慢煮，切開時帶點粉嫩顏色，果然肉質鮮嫩，帶點油脂香氣，搭配清甜香桃醬汁，甘甜鹹香互相平衡。🧁提拉米蘇$68飯後甜品揀咗提拉米蘇(Tiramisu)，底部手指餅索左咖啡，軟滑馬斯卡彭芝士（Mascarpone Cheese），口感絲滑綿密，頂部撒上可可粉，增添味道層次。