INN - I’m Not Nothing

營業中

休息中

除咗觀塘，其實荔枝角都有唔少隱世工廈餐廳，今次就走到 INN - I’m Not Nothing，一間充滿歐式風格嘅餐廳享用晚餐。店內裝潢走偏歐式復古風，燈光昏黃而柔和，播放著黑白歐洲電影，整體氛圍充滿格調，令人放鬆。北海道帶子菠菜意大利飯飯粒選用正宗意大利米，口感煙韌富嚼勁，菠菜帶來清香，平衡咗整體味道，而帶子煎得香口，外脆內嫩，鮮味十足，層次相當豐富。慢煮西班牙黑毛豬鞍架伴香桃醬黑毛豬鞍架煮得恰到好處，肉質鮮嫩多汁，唔會韌，帶少許油脂，配上香桃醬更添果香，酸甜平衡，亦中和肉既油膩感。Crepes-法式班戟藍莓紅豆抹茶忌廉班戟，班戟質感煙韌，抹茶味濃郁而不苦澀，配上綿密嘅紅豆餡，甜度啱啱好。