日月堂

營業中

休息中

朋友介紹之下去左依間食午飯，環境唔錯都幾乾淨，價錢經濟而且美味，食物選擇幾多，二人共享可食多點可以滿足下。牛三寶麵 $80湯底濃郁，牛腱肉、牛筋、牛肋條、蘿蔔樣樣都好軟腍入味，而且大大件好足料，加了$5 轉刀削麵更是值得，麵條闊而薄身，爽滑彈牙口感煙韌，整體配搭好好味。家鄉水餃 $40水餃8隻配以清湯，餃皮薄身，餃子飽滿餡料十足，味道鮮甜口感佳，值得一食。炸排骨便當 $62排骨厚度適中肉質鬆軟，表面炸粉薄薄增添鬆脆口感，仲有滷肉、滷蛋都好入味，配料豐富相當抵食。起司肉鬆蛋捲餅 $40蛋捲餅薄身口感煙韌，餡料滿滿有蛋皮、芝士、肉鬆，鬆軟彈牙口感味道豐富，是該店必食小食之一。仙草奶茶 $24大大杯，充滿茶香，甜度適中，配埋軟滑Ｑ彈仙草，好飲。桂圓紅棗茶天寒地凍冬天最佳之選，微甜清潤，滋補熱飲暖身，正。