影片
更多
2023-11-15
29 瀏覽
-川火堂-@銅鑼灣.麻辣野係我的comfort food，係灣仔見到有間新開的川菜餐廳，見到佢的menu有d比較創新的食品，好奇想試下。.餐廳裝修簡單，好光猛感覺好乾淨。有卡位有方枱，每枱的空間都足夠。除了主食外，仲有烤魚、小食、甜品等。.流沙香辣雞脆骨 ($128)寫住係全港獨創！的確係好有驚喜的一道菜。以紅椒，乾辣椒，香蔥等炒香材料，加上孜然同芝麻嘅調味，食落唔太辣，味道好濃層次好豐富。.雞軟骨炒得好香脆，咬落爽口，唔會好硬。.起初以為圓轆轆的係肉丸或墨魚丸，一咬開先知原來係芝麻湯丸。估唔到芝麻湯丸都可以辣食，而且味道仲好夾好好食。.湯圓外層煎至金黃色，沾滿了香辣的味，咬落軟糯，裏面滿滿微甜的流沙芝麻餡同辣味又好夾。真係超推介嘅一道菜。.豆花麻辣牛肉 ($148)分量好大，滿滿的豆腐塊及牛肉，仲有萵筍同寬粉打底。.似水煮牛肉的味道，有乾紅椒、蔥、芝麻、花椒及莞茜煮成，唔算好辣，加埋花椒嘅麻香更為提味。.牛肉份量都多，每片都幾厚身，食落都好滑好香牛味，雖然部份牛肉有一點筋，但唔算難咬開。.寬粉份量都好多，晶凝通透，食落帶點煙韌，仲要吸晒湯底嘅精華，超讚！.鐵板水晶粉絲 ($98)水晶
-川火堂-@銅鑼灣
.
麻辣野係我的comfort food，係灣仔見到有間新開的川菜餐廳，見到佢的menu有d比較創新的食品，好奇想試下。
.
餐廳裝修簡單，好光猛感覺好乾淨。有卡位有方枱，每枱的空間都足夠。除了主食外，仲有烤魚、小食、甜品等。
.
流沙香辣雞脆骨 ($128)寫住係全港獨創！的確係好有驚喜的一道菜。以紅椒，乾辣椒，香蔥等炒香材料，加上孜然同芝麻嘅調味，食落唔太辣，味道好濃層次好豐富。
.
雞軟骨炒得好香脆，咬落爽口，唔會好硬。.
起初以為圓轆轆的係肉丸或墨魚丸，一咬開先知原來係芝麻湯丸。估唔到芝麻湯丸都可以辣食，而且味道仲好夾好好食。.
湯圓外層煎至金黃色，沾滿了香辣的味，咬落軟糯，裏面滿滿微甜的流沙芝麻餡同辣味又好夾。真係超推介嘅一道菜。
.
豆花麻辣牛肉 ($148)分量好大，滿滿的豆腐塊及牛肉，仲有萵筍同寬粉打底。
.
似水煮牛肉的味道，有乾紅椒、蔥、芝麻、花椒及莞茜煮成，唔算好辣，加埋花椒嘅麻香更為提味。
.
牛肉份量都多，每片都幾厚身，食落都好滑好香牛味，雖然部份牛肉有一點筋，但唔算難咬開。.
寬粉份量都好多，晶凝通透，食落帶點煙韌，仲要吸晒湯底嘅精華，超讚！.
鐵板水晶粉絲 ($98)水晶粉絲加咗肉碎、洋蔥及椰菜絲炒香，好夠味。本身水晶粉是質地較軟身，配埋爽口嘅椰菜絲食口感很好。
.
另外師傅仲好有人思咁將煎蛋鋪喺水晶粉絲下面，用嚟阻隔多餘嘅油分。.
本來仲想試吓佢哋嘅冰粉同糍粑，但真係太飽了，最終都係無點到，下次必定要試試。
.
張貼
