川婆婆 (寶勒巷) (已結業)

川婆婆地址: 尖沙咀寶勒巷26-36號地舖入冬食咩好，當然係打邊爐啦🤣～今日我同朋友試咗間被譽為全港首創茶底麻辣火鍋🌶x串串放題🐔x雞煲🍡嘅新鮮農場靚牛串串套餐🐮$328位，一次過滿足我地3個願望。鴛鴦湯底：高山紅茶茶底麻辣鍋🌶＋養生菌王雞湯🐔+$30作為鴛鴦火鍋重點精華所在，呢到主打嘅茶底麻辣香料好足好夠味而且濃而不膩😇，煮肉入味一流😈。同時雞湯亦都非常足料，滿滿蟲草花和嫩滑雞肉🤩，CP值好足，加上仲有少少玫瑰花/桂花茶香味，用嚟淥菜一流🤣。主菜：雞煲🐥＋牛頸脊🐮＋牛小排🥩＋串串🍡＋時令海鮮🦐 (海蝦、大蜆、鮑魚和蟶子)雞煲配上洋蔥青椒🫑，味道都唔錯，而且雞唔會好鞋又幾入味，不錯😜。另外，作為套餐附帶嘅牛頸脊和牛小排絕對係驚喜呀🤩，牛肉質素真係好好，兩者肥瘦適中花紋條理分明🤪，仲要牛味香濃，完全真係估唔到會咁好食。時令海鮮幾新鮮😋保留到彈性嘅感覺。至於其他串串食材🍡 (包括：薄荷牛肉; 芫茜牛肉; 牛黃喉; 鹵水牛雜; 豚肉; 羊肉; 雞肉; 魷魚; 芋絲等) 就可以係自助食物區自取😍，而且仲可以自行決定燒/ 烚熟，真係都幾有風味，幾抵食㗎🥳。----------------#foo