影片
更多
2021-05-20
4531 瀏覽
🏩阿豬媽太多假放，嚷住要熊妹陪佢去staycation，熊妹梗係揀間又平又抵又包多餐嘅Staycation package喇。最後一餐就黎到《Pierside》歎個三層下午茶啦。📌下晝四點幾嚟到，都有好幾枱坐咗人喎！睇來呢個下午茶都幾吸引！📌餐廳環境都幾舒服，多數係四人方形枱，環境大地方夠寬敞。🛋📌位置就喺尖東海旁，所以坐到窗口位隔離就係望住個海，幾靚景㗎。🖼📌三層下午茶一位包五款鹹點、六款甜點，仲有兩款鬆餅同埋一杯飲品，最正係可以無限添加各款鹹甜茶點，星期一至五一位係$208，假日就$228，再加一，都幾抵食喎！悠然下午茶📌三層假係用上鳥籠架，上面有兩隻彩色雀仔🦜，側邊就鋪滿草葉，成個下午茶擺款色彩繽紛，望落非常之靚同吸引。下層 - 鹹點層迷你松露牛肉芝士漢堡熊妹最鍾意食牛肉漢堡🍔，下午茶餐入面包迷你漢堡就絕對加晒分啦！雖然係迷你但係做法絕對唔馬虎，漢堡包係都鋪滿芝麻嘅芝麻包，包入邊仲揸埋牛油烘過，又脆又香牛油芝麻味！漢堡扒雖然係迷你版，口感都好有咬口同埋Juicy，仲帶出牛味添。迷你版雖然細細地一件，但絕對可以過吓口癮，熊妹係超滿足呀！香草青瓜忌廉芝士麥包薄薄的青瓜🥒三文治真係
🏩阿豬媽太多假放，嚷住要熊妹陪佢去staycation，熊妹梗係揀間又平又抵又包多餐嘅Staycation package喇。最後一餐就黎到《Pierside》歎個三層下午茶啦。
📌下晝四點幾嚟到，都有好幾枱坐咗人喎！睇來呢個下午茶都幾吸引！
📌餐廳環境都幾舒服，多數係四人方形枱，環境大地方夠寬敞。🛋📌位置就喺尖東海旁，所以坐到窗口位隔離就係望住個海，幾靚景㗎。🖼
📌三層下午茶一位包五款鹹點、六款甜點，仲有兩款鬆餅同埋一杯飲品，最正係可以無限添加各款鹹甜茶點，星期一至五一位係$208，假日就$228，再加一，都幾抵食喎！
悠然下午茶
138 瀏覽
0 讚好
0 留言
📌三層假係用上鳥籠架，上面有兩隻彩色雀仔🦜，側邊就鋪滿草葉，成個下午茶擺款色彩繽紛，望落非常之靚同吸引。
下層
54 瀏覽
0 讚好
0 留言
迷你松露牛肉芝士漢堡
熊妹最鍾意食牛肉漢堡🍔，下午茶餐入面包迷你漢堡就絕對加晒分啦！
雖然係迷你但係做法絕對唔馬虎，漢堡包係都鋪滿芝麻嘅芝麻包，包入邊仲揸埋牛油烘過，又脆又香牛油芝麻味！
漢堡扒雖然係迷你版，口感都好有咬口同埋Juicy，仲帶出牛味添。
迷你版雖然細細地一件，但絕對可以過吓口癮，熊妹係超滿足呀！
香草青瓜忌廉芝士麥包
薄薄的青瓜🥒三文治真係好清新，配搭淡淡香味嘅忌廉芝士，仲要用上麥包比較健康啲，一款好經典嘅英式三文治🥪。
脆炸玫瑰香檳燉蛋白
一粒黃色嘅炸物，熊妹開頭唔知道係乜嘢，放入口脆脆地，內裏軟軟淋淋甜甜地，原來就係蛋白，好的骰的一件，味道非常可口。
巴馬火腿、鵪鶉蛋班尼迪
細細地一件非常脆口，咬開鵪鶉蛋🥚，爆出蛋黃連埋鹹鹹巴馬火腿既鹹香🥓，仲有脆炸多士襯底，非常好味嘅一款鹹點，阿豬媽encore左兩件。
牛油果鮮蝦咯嗲
杯裝嘅咯嗲，入邊有件調味左嘅大蝦🍤，下面浸住半杯牛油果蓉，一啖食入口原來牛油果蓉以泰式做法，偏小小辣，鮮蝦嘅彈牙再撈上辣辣地嘅牛油果蓉🥑，然後慢慢滲出牛油果本身嘅香味，非常特別嘅一款小食，阿豬媽又encore左兩杯。
中層
78 瀏覽
0 讚好
0 留言
法式燉蛋泡芙
牛油泡芙香香嘅，外皮唔係脆皮嗰款，淋身啲，入邊法式燉蛋🍮係充滿雲呢拿香味的吉士，甜度適中，一啖食落口一啲都唔甜膩。
榛子朱古力慕絲
朱古力用上黑朱古力🍫，令到成件慕絲冇咁甜，慕絲口感軟滑，底下襯托着一片薄薄的嘅朱古力海綿蛋糕，朱古力愛好者一定好喜歡呢款甜點小食。
紅莓牛奶布甸
杯裝嘅牛奶布甸牛奶味香濃🥛，中間夾雜着紅莓醬，一啖一啖放入口，淡淡嘅奶味連埋酸酸甜甜嘅粒粒雜莓🍓，味道好夾。
上層
53 瀏覽
0 讚好
0 留言
宇治抹茶紅豆卷
蛋卷係熊妹最鍾意嘅宇治抹茶味🍵，卷蛋好軟熟，抹茶味香濃，中間有淡淡嘅牛奶忌廉，入邊夾雜着少少紅豆粒，一件放入口就係幸福蛋糕🍰嘅味道。
紅莓忌廉撻
紅色嘅一件撻仔🥧，撻皮脆口，中間有粒紅莓同忌廉，即係酸酸甜甜嘅生果撻。
焗富士蘋果芝士蛋糕
焗芝士蛋糕嘅口感好軟滑，帶有淡淡嘅忌廉芝士味道，面頭鋪上粒粒富士蘋果蓉，唔會好甜，煮溶咗嘅蘋果粒🍎仲好爽口，清清甜甜同芝士蛋糕🧁味道好夾，做得幾出色。
經典鬆餅及提子鬆餅
54 瀏覽
0 讚好
0 留言
又到左下午茶嘅靈魂-英式鬆餅啦！
有經典嘅牛油口味同埋熊妹最愛嘅提子提口味，鬆餅做得都唔錯，即使放涼咗一陣都有外脆內軟嘅口感，牛油味重🧈，不過提子乾唔太多，自家柑橘醬唔會好甜，比起一般用上嘅士多啤梨醬仲帶多一點清新，忌廉好香滑，熊妹最愛搽上鬆餅上面一齊食，慢慢係口腔散發出牛油同忌廉的香味。
焗富士蘋果芝士蛋糕
40 瀏覽
0 讚好
0 留言
張貼
