影片
更多
2021-09-15
2195 瀏覽
前文都提過，因為落雨關係，行唔成山，踩唔成單車，同老婆晌「荃新天地二期」睇完早場，之後再晌「Itamama」食晏，食完晏就晌隔離附屬嘅「Mama Bakery」順便買咗件芝士蛋糕返屋企做下午茶！其實，晌門口已一眼睇到有好多唔同嘅烘焙產品，我哋就無好詳細咁睇，只不過，擺咗最近門口嘅當眼處，有一款「岩燒蜂蜜芝士蛋糕」，都唔喺話好細個，賣$18，個樣又幾好，就即管試一個（如有買其他產品，可以用換購價$16就得）。我哋只喺少少哋買得一件蛋糕，但都俾個咁大嘅紙袋，問過有無細啲嘅紙袋，可惜喺無嘅，我哋咁啱又無帶啲較乾淨嘅食物環保袋，所以，今次有啲唔環保！講到個「岩燒蜂蜜芝士蛋糕」，其實，都有啲似以前流行過一排嘅日式芝士蛋糕，不過，就烘得燶啲，形成一層「岩燒」嘅感覺。入口嘅質感都幾綿密，確有陣陣蜂蜜嘅清甜，而芝士嘅香味唔好似紐約芝士餅一類太霸道，整體感覺都喺輕盈啲，配杯紅茶，已好滋味。下次有機會過開去，再試試佢哋嘅其他產品！
其實，晌門口已一眼睇到有好多唔同嘅烘焙產品，我哋就無好詳細咁睇，只不過，擺咗最近門口嘅當眼處，有一款「岩燒蜂蜜芝士蛋糕」，都唔喺話好細個，賣$18，個樣又幾好，就即管試一個（如有買其他產品，可以用換購價$16就得）。
我哋只喺少少哋買得一件蛋糕，但都俾個咁大嘅紙袋，問過有無細啲嘅紙袋，可惜喺無嘅，我哋咁啱又無帶啲較乾淨嘅食物環保袋，所以，今次有啲唔環保！
講到個「岩燒蜂蜜芝士蛋糕」，其實，都有啲似以前流行過一排嘅日式芝士蛋糕，不過，就烘得燶啲，形成一層「岩燒」嘅感覺。入口嘅質感都幾綿密，確有陣陣蜂蜜嘅清甜，而芝士嘅香味唔好似紐約芝士餅一類太霸道，整體感覺都喺輕盈啲，配杯紅茶，已好滋味。
下次有機會過開去，再試試佢哋嘅其他產品！
張貼
