影片
更多
2020-10-13
3011 瀏覽
住喺黃埔嘅朋友推介米氣 😏 , 話係區內人氣食店 , 週日晚上嚟試試先 !! 餐牌 :餐牌選擇豐富 , 單單係飯都有 7 款咁多 🤤 每款食物都好吸引 , 呢度勝在每款食物份量唔太多 , 就算 2 口子黎食飯 , 都可以試到好多款而又唔覺得 heavy ! 👍👍醬油蛋飯 ($22) 蛋黃非常飽滿 , 醬油蛋有鹹香但又唔會太鹹 , 每粒飯都比蛋汁包住 🤤 好正 ! 明太子飯 ($22)超多明太子 !! 絕對夠撈曬成碗飯 ~ 鹹同辣度非常適中 ! 超好味 ! 必試 !! 😋😋 就算唔撈明太子 , 米氣嘅米飯都好好味 !! 口感軟糯 , 飯味甚濃 !! 鰹魚汁菠菜 ($18) 賣相精緻 , 菠菜嫩滑無渣 , 配埋鰹魚汁感覺清新 , 份量亦多 , 抵食 , 推介 ! 大吟釀醉雞 ($32)有 3 件無骨雞卷 , 賣相一般 🤨 , 雞肉偏蒼白 , 食得出酒味但唔太濃 , 用日本酒大吟釀同樣做到醉雞效果 , 不過個人覺得花雕酒比較襯 , 但係呢個配搭幾新穎 , 可以一試 ~白味噌慢煮石斑柳 ($68) 幾大份 , 魚皮煎得香脆 , 魚肉實淨 , 啖啖肉 , 不過唔係好食到白味噌味🤣 , 食到鹽同黑
餐牌 :餐牌選擇豐富 , 單單係飯都有 7 款咁多 🤤 每款食物都好吸引 , 呢度勝在每款食物份量唔太多 , 就算 2 口子黎食飯 , 都可以試到好多款而又唔覺得 heavy ! 👍👍
醬油蛋飯 ($22) 蛋黃非常飽滿 , 醬油蛋有鹹香但又唔會太鹹 , 每粒飯都比蛋汁包住 🤤 好正 !
明太子飯 ($22)
超多明太子 !! 絕對夠撈曬成碗飯 ~ 鹹同辣度非常適中 ! 超好味 ! 必試 !! 😋😋 就算唔撈明太子 , 米氣嘅米飯都好好味 !! 口感軟糯 , 飯味甚濃 !!
鰹魚汁菠菜 ($18) 賣相精緻 , 菠菜嫩滑無渣 , 配埋鰹魚汁感覺清新 , 份量亦多 , 抵食 , 推介 !
大吟釀醉雞 ($32)
有 3 件無骨雞卷 , 賣相一般 🤨 , 雞肉偏蒼白 , 食得出酒味但唔太濃 , 用日本酒大吟釀同樣做到醉雞效果 , 不過個人覺得花雕酒比較襯 , 但係呢個配搭幾新穎 , 可以一試 ~
白味噌慢煮石斑柳 ($68)
幾大份 , 魚皮煎得香脆 , 魚肉實淨 , 啖啖肉 , 不過唔係好食到白味噌味🤣 , 食到鹽同黑椒味 ~
唐揚金目鯛 ($108)
雖然呢個比較貴 , 不過職員特別推介話係日本直送 , 就試下喇 ~ 賣相美美的 , 黃金色魚皮 , 雖然係唐揚做法 , 但唔油膩 , 魚肉偏實淨 , 比石斑柳更加好食 🤗
牛油醬油煎安格斯牛柳 ($68)望落去有啲乾 , 大概 7 成熟 , 食落牛味都算濃 , 微微牛油香 , 想特別提個 3 大片蒜片炸得好靚
蔥燒厚切牛舌 ($32)
牛舌彈牙 ! 生熟程度啱啱好 , 焦香十足 , 不過唔係厚切 🤣🤣 個人覺得薄切更加好味 ~
東坡肉 ($42)
睇圖以為薄薄地 , 點知嚟到好大粒 🤣 好有份量 , 呢個抵食 , 醬汁撈飯一流 , 豬肉炆得好腍 , 肥膏入口即溶 !
唐揚魷魚 ($36)
驚喜位係全部都係魷魚鬚 !! 正 😍😍😍 !!! 炸粉調味剛剛好 , 魷魚彈牙 , 可惜我影相影得太耐 , 食嘅時候已經淋咗 😟 失色不少 , 大家記住要趁熱食 !!
米氣雪糕 ($28) 清酒雪糕 ($30)
2 款雪糕賣相精緻 , 份量比出面嘅一球雪糕大 😲😲 !!
米氣雪糕 - 我講唔出係咩味道 , 連埋面頭嘅脆米一齊食係甜甜地 , 係一個大眾化嘅味道 , 但係又會食得出佢有少少特別之處
清酒雪糕 - 一入口感受到非常突出嘅清酒味 , 唔錯唔錯 !
呢度嘅雪糕質感好特別 , 好似米漿咁 , 可以拉絲 , 我鍾意呢種口感嘅雪糕多過用奶做嘅雪糕 , 大家一定要試下 !! 味道特別 , 份量又多 , 性價比高 🤤🤤🤤 ! 如果兩者要揀其一嘅話 , 我會選擇米氣雪糕 ~
整體黎講 , 呢間人氣食店裝修走簡約日系風 , 用色舒服 , 又有格調 , 餐具亦一樣 , 令食物望上去更加有日式嘅感覺 , 特別鍾意呢度可以一次過試好多款食物 ~ 味道價錢亦合理 , 值得回頭 ! 😊😊
張貼
