壽喜燒牛肝菌和牛
和牛油花均勻，涮煮係甜鹹適中嘅壽喜燒醬汁及牛肝菌中，瞬間吸滿湯汁，點上蛋黃汁配飯食，十分嫩滑滋味
山野菇菌．和牛燒肉盛
配🈶鮮甜嘅時令山野菇菌，感覺更養生健康，和牛口感鮮嫩多汁
羊肚菌蔘雞湯
呢個用咗烏雞黎熬煮，令個湯更加補而不燥，雞肉香滑，加埋羊肚菌，啖湯飲落更鮮香美味
彥陽和牛沙蔥燒
和牛包裹著沙蔥食，既清爽又中和咗和牛嘅油脂，食落非常可口
蟹粉石頭鍋飯
店員即場倒入蟹粉，拌勻石頭鍋飯，飯焦令整個飯更增添一層焦香口感，入口充滿蟹香
提子梳打
底層係香甜嘅提子啫喱，搭配清爽嘅梳打，既解渴又清新
青瓜青檸梳打
酸甜中帶有一絲青瓜嘅清香，係一款特別適合重口味餐點嘅解膩飲品
