影片
更多
2017-11-14
1781 瀏覽
話說10月份生日，朋友揀咗錦田嘅一間泰國菜館幫忙慶生，真係山旮旯咁遠，差點以為自己被賣豬仔。溫馨提提，想去泰cow可以由錦上路西鐵站坐的士入去，同司機講「廣東水利」，大概十幾分鐘車程就到咖喇！由於book咗位嘅關係，所以好快就有得入座。咁山長水遠嚟到， 梗係馬上睇Menu， 快啲叫嘢食啦！個人認為價錢唔算特別貴，係一般市價嘅泰國菜。今晚我地都算人多，所以乜都叫咗啲。首先想介紹嘅係飲品類，雖然我哋每個人都叫咗唔同嘅飲品，但我認為全場最好飲嘅係「柚子沙冰」，無論係味道定份量，都係最清最解渴同最大杯咖！新鮮用雪同柚子打出泥既沙冰，夠晒凍、而且仲有些少柚子皮，味道更加出，真係好似飲緊成個柚子。鐘意果汁、柚子橙類嘅朋友絕對唔可以錯過！順住我鍾意嘅餸菜泥講啦。冬陰公湯叫左一少份，色澤鮮而且足料，味道不俗係正宗泰國冬陰公，一般都係酸酸辣辣，所以令人食慾大增，平時會想馬上食飯，但朋友竟然推薦我，食蒜蓉包！無錯，呢個正方體係蒜蓉包！又係一樣唔可以錯過嘅小食，唔好以為蒜蓉包切到咁大又咁方，但其實內裏牛油係滲透左佢整個包芯。外層鬆脆，食落陣陣牛油加蒜香。嫌太單調？佢仲有兩款醬料俾你點蘸。其次，呢款絲網春卷又
由於book咗位嘅關係，所以好快就有得入座。咁山長水遠嚟到， 梗係馬上睇Menu， 快啲叫嘢食啦！個人認為價錢唔算特別貴，係一般市價嘅泰國菜。
今晚我地都算人多，所以乜都叫咗啲。首先想介紹嘅係飲品類，雖然我哋每個人都叫咗唔同嘅飲品，但我認為全場最好飲嘅係「柚子沙冰」，無論係味道定份量，都係最清最解渴同最大杯咖！新鮮用雪同柚子打出泥既沙冰，夠晒凍、而且仲有些少柚子皮，味道更加出，真係好似飲緊成個柚子。鐘意果汁、柚子橙類嘅朋友絕對唔可以錯過！
順住我鍾意嘅餸菜泥講啦。冬陰公湯叫左一少份，色澤鮮而且足料，味道不俗係正宗泰國冬陰公，一般都係酸酸辣辣，所以令人食慾大增，平時會想馬上食飯，但朋友竟然推薦我，食蒜蓉包！
無錯，呢個正方體係蒜蓉包！又係一樣唔可以錯過嘅小食，唔好以為蒜蓉包切到咁大又咁方，但其實內裏牛油係滲透左佢整個包芯。外層鬆脆，食落陣陣牛油加蒜香。嫌太單調？佢仲有兩款醬料俾你點蘸。
其次，呢款絲網春卷又唔同小食拼盤個種齋卷啵！內裏個餡係芋頭，點酸梅醬一流。柚子蝦球沙律少少辣，有啲腰果，當前菜咁食酸酸甜甜，好開胃！其後都仲叫咗好多款，多到我冇法一一介紹：黃咖哩雞配薄餅、雞肉豬肉串燒、炒金邊粉、菠蘿炒飯、豬頸肉、炒茄子、馬拉盞炒通菜、鮮肉碎生菜包、芒果糯米飯、泰式小食拼盆。
以上嘅呢啲餸菜其實都係不過不失，正常餐館水準。不過我覺得豬肉冇咁好食，建議食雞肉多啲。
特別咁樣介紹一下，當日試咗呢到嘅一款甜品，係西瓜大菜糕！其實賣相真係好吸引嘅，不過可能太高期望，大菜糕嘅粉略嫌太多，冇想像中嗰陣西瓜鮮甜味。不過好似好少地方有呢種甜品，個人泥講幾新奇。
總結，想遠遠地撐枱腳，呢到夠靜都幾啱，而菜式算多，價錢適宜。
張貼
