泰Cow

斧頭扒落order嗰時話左五成嚟到嘅時候全熟。服務態度又唔好。同一年前去食真係爭好遠地點唔係特別方便，價錢又唔係特別平，加上食物質素又差咗，所以下次絕對唔會再過嚟食，亦都唔會推薦比親戚朋友。…查看更多

呢間泰國餐廳既串燒拼盤真係唔錯，燒焦香肉質夠嫩一啲都唔鞋，尤其係個雞肉串，可以食得出香茅同椰漿嘅味道，豬頸肉同牛肉都唔錯，加埋果幾款泰式醬汁幾好食特別係個啲甜辣醬，唔會太辣食完好開胃。生牛肉河粉湯底好清甜 果啲牛肉片真係切得夠薄，放落滾湯入面 岩岩好食得真係嫩滑。河粉比想像中煙韌唔會易斷，吸埋湯底好入味。加埋啲青檸同辣椒粉 酸酸辣辣咁幾正下次仲會再嚟試其他嘢食。不過位置有啲偏僻 入黎有啲難度 岩哂駕駛人士 。…查看更多

元朗好多^隱世^私房菜，呢間算得上係環境舒服，抵食高質有特色的泰國菜餐廳👍🏻出面有好大塊草地露營車，夜晚好天果陣仲可以望到星星💫寵物友好兼且泊車方便！食物方面一直保持水準，最愛蒜蓉包和芒果鴛鴦糯米飯😋每次必點！蒜蓉包好大件，焗得好鬆脆香口，泰式生蝦都係必點，新鮮彈牙好野味💋💋仲有地方大郊區空氣都好D坐得闊落無趕客feel😆不論是下午茶chill下可以坐出邊慢慢嘆，還是夜晚聚餐都是一個好選擇👏🏻👏🏻…查看更多

幫襯咗呢間餐廳好多年，貪呢度泊車方便，餐廳隔離有個好大嘅空地可以免費泊車。不過都幾隔涉，如果第一次嚟，可能會覺得沿途咁山卡啦，點會有間餐廳㗎😆餐廳環境舒服，座位都闊落，有室外同室內。lunch抵食又好味👍🏻-香茅豬頸肉湯粉$58(冬蔭功湯底加$15)：豬頸肉煎到好香口，配上泰式醬汁好味😋次次嚟食湯粉，都一定加錢轉冬蔭功湯底好惹味，食落口感好濃厚，我覺得算小辣同中辣之間。海南雞湯粉$62:飲咗啖湯，清清哋但唔淡，雞肉好淋，都唔錯連飲品埋單$141，人均$70，呢個質素咁嘅價錢好抵食👍🏻👍🏻👍🏻…查看更多

下午5點到，餐廳冇乜人，目測我哋唯一一枱，老闆娘問有冇book枱？我哋話冇，即刻黑面 “你哋企吓先，我同你諗下”，態度惡劣，不過一場嚟到諗住試吓先。點咗六個餸，蒜蓉包幾好食，味道都可以，不過勁hardsell 元貝聖子等所謂推介菜式，點菜態度欠佳😟，我心諗點菜原來係問答遊戲，答錯要被懲罰 😂Overall 其實位置配套唔錯，泊車方便其實可以搞得好好，可惜都係一貫香港黑面服務態度，冇下次，永久Blacklist 。補充，7點食完離場，仲有10張以上空枱，我地冇book 唔知點解俾人黑面…查看更多