栢記

營業中

休息中

多數人食海鮮都會去西貢,鯉魚門,流浮山等地方。話說老豆呢排成日都去鴨脷洲返工，仲成日都yo 我地去鴨脷洲食海鮮。話好底食！今晚就襯肥姑丈生日，幾家將軍澳人，長途跋涉去鴨脷洲食個海鮮餐！我地先係樓下街市海鮮檔買海鮮，然後拎上餐廳加工。除左海鮮，我地仲點左炸大腸同蜆芥鯪魚球做前菜！炸得岩岩好，鯪魚夠彈牙外友夠脆，炸大腸同樣美味！陳皮蒸南非飽！鐘意食南非鮑係因為佢夠晒大隻之餘又唔會好似9孔鮑咁難咬！師傅蒸得剛剛好，鮑魚好食唔再講，啲精華落左落啲汁度，個豉汁都餸到幾碗飯！幡龍鱔，賣相真係有點醜豉汁亦唔夠味⋯，但好在我地簡左條靚鱔！本來無諗住食鱔，但行過街市見到小有海鱔，仲要平過出面好多，唔洗講，即買！果然，海鱔鱔晒肥美，更仲要係夠爽口！可惜衰左係個無味汁度⋯豉椒炒聖子一定要加米粉底！咁樣先至可以食埋啲汁！果師將米粉煎香放底先放炒好嘅聖子，果然最後食到汁都無得剩！美中不足係聖子炒得太熟，，難咬。