eaaat. (V City)

營業中

休息中

成日都經過依間餐廳，但係一直都冇行入去嘅意欲🥺可能因為係正角落頭同埋正正電梯口，好多時都費事企定定係度望佢門口個Menu，今日見少d人，望一望又好似幾啱食喎😳叫左黑毛豬鞍扒伴蘋果蓉配薯條($178)跟餐配左一份蘑菇湯同麵包，略嫌蘑菇湯蘑菇味唔夠濃厚，亦冇creamy嘅口感🙁個人覺得一間餐廳好食嘅豬，絕對難整過牛呢份豬鞍扒絕對係有驚喜😍唔會煎得太乾身，有口感，咬落去有韌度，亦好juicy，唔會有鬆肉粉味或者雪藏味😍唯一要彈嘅係外皮煎得唔夠脆，如果可以做到外脆內軟，就真係一流🤤不過以呢個價錢黎講，已經頗出色😌本身豬扒嘅調味已經足夠，加上唔會好似一般餐廳有一浸好大嘅雪藏味，所以就算唔點汁，都已經好夠味。反而點左隨餐附上嘅燒汁，會令到本身豬扒嘅味道略帶遜息。😢賣相唔差，但如果薯條可以另外擺開會更加好。因為食到中段，薯條已經變咗有少少油浸嘅感覺，因為薯條放咗喺豬扒底，吸收左豬扒嘅油份，令到薯條變淋左，係唯一嘅美中不足。