影片
更多
2021-03-09
299 瀏覽
閉關咁耐，係時候出去刷餐勁野😙有一間成日經過都已經想試吓，因為見佢裝修都幾特別，好搶眼😂去到仲要見到有85折就啦啦淋入去試試啦😝首先就有三種價錢選擇，主要分別都係牛肉既質素，餓咗咁耐，我地就揀咗最貴嗰個套餐豪一次啦，$279🤑一個，就可以食佢嘅招牌花膠雞煲同埋安格斯牛小排了雞煲就廚房炒熟咗八成先，之後再上枱再煮多三分鐘就會啱啱好，而喺等既同時，都有啲餐前小食：炸燒賣&炸魚旦，兩樣都炸到脆卜卜，加埋啲泰式辣醬，夠哂開胃👍🏻之後雞煲都夠鐘有得食了，一開真係俾煲野嚇親，有一大塊花膠喺上面😍同埋啲雞大大嚿，突然覺得真係值回票價，每件雞都俾醬汁包住，辣中帶啲甜，非常惹味，啲花膠非常漿口，被我感覺到佢充滿骨膠原☺️，貨真價實👍🏻而且花膠同豬皮索透哂啲汁，完全唔會比下去食到差唔多食晒，就可以落翻個滋味雞湯落去食吓牛肉了，叫齊牛小排同牛頸脊滿足吓，同埋叫埋其他配料，嗌一份都夠兩個人食，尤其係啲牛肉，食極都仲有咁🤣最後各食一碟都夠哂，但呢兩款牛肉真係驚為天人，估唔到放題都有呢隻質素👍🏻👍🏻牛小排超級嫩滑，牛味香濃又夠大塊同薄身，點啲豉油捲埋啲蒜食，都好耐未食過咁正既牛😂牛頸脊亦都不遑多讓，雪花分明，同牛小
首先就有三種價錢選擇，主要分別都係牛肉既質素，餓咗咁耐，我地就揀咗最貴嗰個套餐豪一次啦，$279🤑一個，就可以食佢嘅招牌花膠雞煲同埋安格斯牛小排了
雞煲就廚房炒熟咗八成先，之後再上枱再煮多三分鐘就會啱啱好，而喺等既同時，都有啲餐前小食：炸燒賣&炸魚旦，兩樣都炸到脆卜卜，加埋啲泰式辣醬，夠哂開胃👍🏻
之後雞煲都夠鐘有得食了，一開真係俾煲野嚇親，有一大塊花膠喺上面😍同埋啲雞大大嚿，突然覺得真係值回票價，每件雞都俾醬汁包住，辣中帶啲甜，非常惹味，啲花膠非常漿口，被我感覺到佢充滿骨膠原☺️，貨真價實👍🏻而且花膠同豬皮索透哂啲汁，完全唔會比下去
食到差唔多食晒，就可以落翻個滋味雞湯落去食吓牛肉了，叫齊牛小排同牛頸脊滿足吓，同埋叫埋其他配料，嗌一份都夠兩個人食，
尤其係啲牛肉，食極都仲有咁🤣最後各食一碟都夠哂，但呢兩款牛肉真係驚為天人，估唔到放題都有呢隻質素👍🏻👍🏻牛小排超級嫩滑，牛味香濃又夠大塊同薄身，點啲豉油捲埋啲蒜食，都好耐未食過咁正既牛😂牛頸脊亦都不遑多讓，雪花分明，同牛小排比多一份油香，不過就做唔到佢咁大塊，食得咁爽，不過都值100分🤩🥳下次如果打邊爐，我都會嚟呢間食，食牛都抵哂😘😘😘
最後真係不得不讚呢度老闆同員工，佢哋真係非常落力，不斷見到佢地走嚟走去，非常易已經搵到佢地幫忙，而且仲會主動幫我地加湯，較細個火吖，真係令我食得好舒服😌最後最後都要講埋呢度啲醬料真係好好味，尤其係枱面長期擺喺度，蝦皮菜脯同埋炸蔥油，真係要試吓佢呀👍🏻👍🏻
張貼
