影片
更多
2022-07-05
25 瀏覽
貓毛📍屯門青棉徑3號好勝大廈地下低層1B-1C號舖🌇環境西鐵搭去兆康，轉輕鐵搭到景峰，再過一條隧道就係，好易搵👍地方唔大，要堂食嘅話只可以坐喺門口幾張凳同吧檯，但係如果係夏天嘅話就最好都係外賣攞走，因為坐喺嗰度幾惹蚊，好彩店家都提供咗遮陽傘，所以都擋到陽光唔會太曬～🥰🍔主食❤️貝羅菇漢堡（貝羅菇、漢堡扒、黑松露醬）$48一開始都幾好奇貝羅菇係咩嚟，上網一查，原來係大啡菇嘅另一個名，又學到新嘢🥰嚟到嘅時候都幾驚喜，舊肉係肉眼可見嘅多汁，滴到出生菜嗰種，而個包係偏紮實同脆嘅，同埋好香，有少少似法棍嘅質地，但係冇咁硬；貝羅菇同漢堡扒就一向絕配㗎啦，鮮美爽口嘅菇同鮮嫩微鹹嘅漢堡肉極襯，而佢個黑松露醬就起到畫龍點睛嘅作用，十分出色～🥰必食啊推薦度：😋😋😋😋😋❤️超人漢堡（豬肉、炒蛋、鹹蛋黃沙律醬） $42我係畀呢個名吸引咗，同埋我一向都好鍾意鹹蛋黃味嘅嘢，所以就嗌咗，如果係唔食牛嘅朋友都可以嗌呢個豬肉漢堡㗎～睇圖好似全部都係蛋咁，但其實只係蛋太多遮住個扒，個豬肉漢堡扒雖然細塊但係極厚，而且幾紮實，我朋友完全冇辦法一口咬落去😂嗰包整體偏鹹，鹹蛋黃味極出，重口味嘅朋友必食～炒蛋好嫩好juicy，而中間夾
📍屯門青棉徑3號好勝大廈地下低層1B-1C號舖
🌇環境
西鐵搭去兆康，轉輕鐵搭到景峰，再過一條隧道就係，好易搵👍地方唔大，要堂食嘅話只可以坐喺門口幾張凳同吧檯，但係如果係夏天嘅話就最好都係外賣攞走，因為坐喺嗰度幾惹蚊，好彩店家都提供咗遮陽傘，所以都擋到陽光唔會太曬～🥰
🍔主食
❤️貝羅菇漢堡（貝羅菇、漢堡扒、黑松露醬）$48
一開始都幾好奇貝羅菇係咩嚟，上網一查，原來係大啡菇嘅另一個名，又學到新嘢🥰嚟到嘅時候都幾驚喜，舊肉係肉眼可見嘅多汁，滴到出生菜嗰種，而個包係偏紮實同脆嘅，同埋好香，有少少似法棍嘅質地，但係冇咁硬；貝羅菇同漢堡扒就一向絕配㗎啦，鮮美爽口嘅菇同鮮嫩微鹹嘅漢堡肉極襯，而佢個黑松露醬就起到畫龍點睛嘅作用，十分出色～🥰必食啊
推薦度：😋😋😋😋😋
❤️超人漢堡（豬肉、炒蛋、鹹蛋黃沙律醬） $42
我係畀呢個名吸引咗，同埋我一向都好鍾意鹹蛋黃味嘅嘢，所以就嗌咗，如果係唔食牛嘅朋友都可以嗌呢個豬肉漢堡㗎～睇圖好似全部都係蛋咁，但其實只係蛋太多遮住個扒，個豬肉漢堡扒雖然細塊但係極厚，而且幾紮實，我朋友完全冇辦法一口咬落去😂嗰包整體偏鹹，鹹蛋黃味極出，重口味嘅朋友必食～炒蛋好嫩好juicy，而中間夾住嘅芝士，朋友形容係爆漿咁款，成個配料都好夾，而個包都一樣係脆嘅，實在係十分好食～
推薦度：😋😋😋😋😋
🍟小食
🧡薯條 $35
睇形狀應該係自製嘅原切薯條，薯仔味好香，條條都好脆，作為一個小食嚟講係滿分嘅
推薦度：😋😋😋😋
🧡薯餅 $13
係m記嗰種薯餅，一粒粒嘅薯仔炸成餅狀，但係就香薯仔味過m記好多好多，勁脆勁香，有咬口，都好高質～
推薦度：😋😋😋
🍹飲品
飲品都係跟餐嘅，都幾抵下～
💛貓毛朱古力
呢杯高質嘅，用嘅係比較高濃度嘅朱古力，苦苦地有啲回甘，冰冰涼涼咁，食完漢堡之後解膩一流～
推薦度：😋😋😋😋😋
💛伯爵茶奶茶
茶味幾出，唔會好甜，所以戒糖期嘅人飲都唔會有任何負擔，好清爽！
推薦度：😋😋😋😋
🫶總結
我同朋友各嗌咗一個套餐，跟飲品，加咗兩個小食，價錢同m記冇咩分別嘅價錢，食到噉嘅質素係極抵嘅！😋
張貼
