甜

營業中

休息中

作為一隻屯門牛嘅肥仔，今日食完個正餐覺得唔夠喉，就嚟虹橋食返一個甜品。聽講甜呢間甜品全部即叫即整好新鮮，就一於試吓啦。🍦芒果吉士窩夫+豆腐雪糕咬落一層順滑嘅忌廉，加上香甜芒果，最後還有酥脆鬆化窩夫，形成強烈嘅對比，口感超豐富，令人一食回味！清淡嘅豆腐雪糕令成個甜品更上一層樓！🍦Tiramisu班戟即叫即做嘅軟綿綿班戟空氣感十足，彈下彈下！做到超篷鬆嘅感覺，未切開已聞到濃郁嘅蛋味，芝士同咖啡嘅香味十分突出，更散發出提拉米蘇嘅幼滑細膩口感，令人一食愛上！🥟炸燒賣（泰式辣醬）既香脆可口，燒賣肉又煙煙韌韌。泰式辣醬好夾！🍨(熱）椰椰樂入面有椰汁、西米、桃膠、雪煮、芋圓，十分足料。冬天嚟食，滋補又養生！🍨（熱）薑奶兄薑味濃，有啲似薑汁撞奶。內有紅豆、綠豆、芋圓同西米。食到好滿足！總結，班戟同疏乎厘嘅選擇同配搭有創意，而舊式嘅甜品又足料。坐位舒適，外面可以泊車，也打定電話，叫外賣！屯門嘅甜品店天花板！