甜

營業中

休息中

【屯門紅橋出色甜品店🧇甜Homie🍦👍🏻】-有冇人同小編一樣返完一日工🥹放工就要食返啲甜嘢慰藉心靈🫶🏻同大家介紹呢間小編私心推介嘅屯門甜品店『甜Homie』🤩呢到嘅糖水、Pancake同窩夫都超讚👍🏻-😋焦糖脆皮香蕉班戟🥞$77Pancake疏乎厘空氣感十足🤩蓬鬆軟綿綿！加埋牛奶雪糕同埋焦糖脆皮香蕉🍌面頭仲有啲焦糖脆脆😛食落口感十足😏好味指數：🌕🌕🌕🌕🌗-😋小芒子🥭$52$52定價可能有啲高😗但絕對抵食！好大碗而且非常足料🤩入面有原隻牛奶布甸🥛椰果同埋勁多香甜芒果🥳仲有超煙靭嘅小丸子！小編會話呢個係高檔版嘅許留山🤪仲有杯香濃牛奶雪糕🍦超正！好味指數：🌕🌕🌕🌕🌗-😋Homie拼盤🍟$51拼盤有炸燒賣、雞翼、單邊雞翼同埋雞皮餃子🥟全部都炸得香脆😙仲有甜酸醬同埋芥末醬兩款醬汁🥳好味指數：🌕🌕🌕🌕🌘-😋脆辣蜜糖芥末炸雞窩夫🍯$80呢個都有驚喜😎估唔到鹹甜鹹甜嘅窩夫味道有幾夾喎~窩夫外脆內軟🥳炸雞香辣惹味🍗點埋蜜糖芥末就絕配！好味指數：🌕🌕🌕🌕🌗-😋Homie水果茶🍉$37 水果茶好足料，有多款新鮮水果西瓜、火龍果等等🧐不過略嫌茶味比較淡同埋唔夠甜😂好味指數：🌕🌕🌕🌗🌑-📍 甜 Homie (屯

今日同老公喺屯門食完飯，感覺唔太飽，就去咗屯門虹橋呢間「甜」食甜品。Homie拼盤拼盤好豐富，有好多小食，有炸燒賣、薯格、炸單骨雞翼、雞翼，同埋佢係新鮮炸嘅，全部都熱辣辣！炸雞翼好好味，皮脆肉嫩，啲雞翼完全唔嚡！佢嘅薯格都好好食，炸得好脆！榴槤班戟配軟雪糕佢嘅榴槤班戟擺盤好靚！班戟好足料，好有蛋香味，榴槤蓉入面有好多真榴槤，夾埋榴槤蓉一齊食，超好食超滿足！楊枝甘露楊枝甘露入面嘅芒果好甜，入面有唔少西柚同芒果，好足料！芒果西米露佢嘅芒果西米露好有驚喜，佢嘅椰汁好濃郁，黏稠得來好滑，真係好正！個椰汁真係令成個甜品升級！Homie水果茶水果茶唔太甜，甜度適中，加埋有大量新鮮水果，飲落好清新好健康！

焦糖脆皮香蕉班戟配軟雪糕$77非常有誠意嘅甜品，甜品店用上軟雪糕已經好難得，焦糖脆皮香蕉用左一整條，焦香味濃 ，係不敗配搭🤭梳乎厘班戟即叫即做，所以等候需時，口感鬆軟綿密，性價比高👍🏻脆辣蜜糖芥末炸雞窩夫$80💕第一次食咸味窩夫，配炸雞及滑蛋好豐富，雞扒外脆肉質保持嫩滑。有蜜糖芥末汁調味立即提升，一個人都可以清晒 。雞皮餃子$46呢個小食出面未見過，所以點嚟試下，一咬爆汁，唔覺油膩🥹單骨雞翼$44非常惹味，比連鎖快餐店炸得更鬆脆入味 。檸檬百香果乳酸茶$35甜甜酸酸，唔會甜得滯，出面飲特飲好多糖漿，呢杯有齊兩種生果味道 。可以當晚餐，食完再食埋甜品，好滿足😌 擺盤精美，打卡一流💁‍♀️

餐廳簡約木系嘅設計，餐牌係手寫再過膠，帶住懷舊 feel，特別有溫度，感覺好似入咗一間街坊小店，增添咗親切感。環境簡約，座位舒適，氣氛輕鬆，適合慢慢歎甜品。🍽 Homie 拼盤適合想試多款鹹食嘅人。炸燒賣外脆內彈牙，燒雞翼醃得入味，單骨雞翼帶微辣，薯格炸得香脆，全部都係零食控會鍾意嘅組合。🧇 滑蛋蒲燒鰻魚窩夫窩夫外層香脆，內裡帶少少煙韌口感。滑蛋夠嫩，搭配蒲燒鰻魚，甜鹹交錯，意外地夾。蒲燒鰻魚醬汁味道濃郁，滲入窩夫後更加惹味。🥛 女仕恩物-薑奶兄用明治牛奶做底，薑味溫和，唔會太嗆，帶微微辛辣感。西米、八寶豆、芋圓令口感更豐富，每啖都有唔同層次，飲完暖胃又滿足。🥭 港式1杯杯-貳號芒椰奶底香甜濃郁，配上西米、芒果、雪燕、柚肉，層次豐富。芒果新鮮甜美，柚肉帶少少清新果酸感，令整體口感更清爽，唔會太膩。🧋 泰國珍珠奶茶梳乎厘班戟梳乎厘班戟質感輕盈細緻，入口即化。泰式珍珠奶茶醬味道濃郁，帶少少茶香，珍珠煙韌，甜度適中，食落好滿足。

Blingbling美食推介✨📍屯門🍧 甜 852 Homies✨ 甜品是必須食的😋😋 💠💠💠💠💠💠💠💠井財街多野食就大家都知~ 大家又有無試過呢間 ✨甜 852 Homies✨ 既甜品店呢？門面好大，全落地大玻璃一覽無遺，環境好舒服 (偷偷地講好方便睇車😂😂）今日試左3款甜品~💠 Tiramisu 班戟 $87配軟雪糕 + 奶茶雪糕 $15班戟鬆軟香滑，班戟上面有咖啡cream~ 食落味道好夾，層次都好豐富😋面頭灑上可可粉，增添咗一份苦甜平衡，每一啖都係幸福🧡呢個配搭新穎得嚟又好味，絕對係Tiramisu控嘅必試之選！☺特別讚✨甜 852 Homies✨ 既雪糕！真係好有奶茶味🥰好好味啊☺💠 豆腐佬“文太” $46+珍珠 $13+小丸子 $9呢款豆腐花净係睇名真係唔知有咩配料😂 其實係由椰汁，豆腐花，紅豆，綠豆，桃膠同雪燕組成😍 真係好足料啊！！豆腐花滑溜得嚟又清新☺配搭埋其他配料味道好夾，而且口感好豐富！！食完之後成個人好滿足！🧡🧡💠 宇治抹茶麻糬窩夫 $68+豆腐雪糕+綠茶麻糬 $19宇治抹茶麻糬窩夫真係抹茶控嘅最愛！窩夫外脆內軟，入面夾住煙韌嘅麻糬，口感豐富又

作為一隻屯門牛嘅肥仔，今日食完個正餐覺得唔夠喉，就嚟虹橋食返一個甜品。聽講甜呢間甜品全部即叫即整好新鮮，就一於試吓啦。🍦芒果吉士窩夫+豆腐雪糕咬落一層順滑嘅忌廉，加上香甜芒果，最後還有酥脆鬆化窩夫，形成強烈嘅對比，口感超豐富，令人一食回味！清淡嘅豆腐雪糕令成個甜品更上一層樓！🍦Tiramisu班戟即叫即做嘅軟綿綿班戟空氣感十足，彈下彈下！做到超篷鬆嘅感覺，未切開已聞到濃郁嘅蛋味，芝士同咖啡嘅香味十分突出，更散發出提拉米蘇嘅幼滑細膩口感，令人一食愛上！🥟炸燒賣（泰式辣醬）既香脆可口，燒賣肉又煙煙韌韌。泰式辣醬好夾！🍨(熱）椰椰樂入面有椰汁、西米、桃膠、雪煮、芋圓，十分足料。冬天嚟食，滋補又養生！🍨（熱）薑奶兄薑味濃，有啲似薑汁撞奶。內有紅豆、綠豆、芋圓同西米。食到好滿足！總結，班戟同疏乎厘嘅選擇同配搭有創意，而舊式嘅甜品又足料。坐位舒適，外面可以泊車，也打定電話，叫外賣！屯門嘅甜品店天花板！

之前已經聽過呢間疏乎厘pancake好出名，一直都想試吓，終於搵到friend同我一齊試啦。芒果吉士窩夫 $70比想像中大份，兩個人share會比較好。外觀非常漂亮，打卡一流。窩夫外皮鬆脆，內裏煙靭。芒果份量都多，而且好甜唔會酸。Tiramisu 班戟 $87本身以為班戟應該要整好耐，點知比想像中快。份量好夠，有蛋香，空氣感都不錯。Tiramisu醬汁超級豐富，味道濃郁。豆腐佬“文太" $46又喺非常抵食，好多料，有豆花、八寶豆、桃膠、雪燕。豆花有豆香，味道清甜。桃膠雪燕有口感，女士美容一流。椰汁味亦都非常香濃。Homie拼盤 $51食得甜野多，想食少少咸食。拼盤有好多野食，價錢都算幾抵有炸燒賣，雞翼，薯格等即叫即炸，非常香脆。雞翼少少辣，非常惹味。

紅橋宵夜糖水好去處榴槤河 $57用椰汁做底 配上條條超長嘅爽口河粉 再加上一大pat嘅榴槤肉 一上枱已經超大浸榴槤味！配料重有黑糖條同椰果 口感十足～甘露豆花 $50楊枝甘露豆腐花 用芒果奶重底 食落重有芒果🥭小丸子同柚子肉 大大碗食落好香濃 甜中帶點酸～仲有滑滑嫩嫩嘅豆腐花一齊食泰國珍珠奶茶窩夫 $67揀咗豆腐雪糕🍧窩夫脆得黎又有點煙韌 上層鋪咗好多粒珍珠增加口感 泰式奶茶醬就額外淋上面 食落唔會太濃郁 似真係飲緊淡淡嘅奶茶咁～炸雞皮串 $24配埋椒鹽一齊食勁香口！Homie拼盤 $51拼盤有炸雞翼、脆皮雞翼、薯格同炸燒賣 全部都炸得外脆內嫩 又唔會太油膩 仲有茄汁同泰式辣醬一齊掂 夠晒惹味Homie水果茶 $37落足料入面有好多生果：西瓜🍉芒果🥭橙等等飲落好fresh吾會覺得好假甜甜 (屯門)屯門井財街21號協邦大廈地下2號舖

今個月已經第三次黎‼️依然唔會厭😍😍程個menu有好多選擇 每個種類都有好多唔同味揀😫最推薦係窩夫同芒果河😋窩夫/souffle食過三隻味： 抹茶紅豆麻糬 & tiramisu & 焦糖脆脆香蕉-最推薦都係抹茶紅豆麻糬味💯裡面仲有好多麻糬 兩個女仔share 都真係會食飽配埋好多紅豆同小丸子🍡仲有兩舊抹茶蕨餅🍵最impressive係有一兜抹茶cream點 好creamy 食得多啲窩夫都唔會覺得好dry😯-tiramisu味cream比較重酒味 都唔錯😋但就無抹茶味咁多配料啦-焦糖脆脆香蕉souffle比較實淨 唔係空氣感個隻都有蛋香味👍🏻焦糖脆脆對我黎講有啲太甜 有巨量脆脆好甜/焦糖嘅人應該好鍾意‼️-芒果河超級推薦💯‼️‼️河粉帶啲椰子味好特別 好彈牙 大推💯😍😋-鹹窩夫都好推介滑蛋芥末炸雞窩夫呢個窩夫嘅Texture同平時甜窩夫唔一樣淋d 但加埋炸雞滑蛋又幾夾-價錢真係好抵食 大份好食 入屯門必黎🥰

🤍今次介紹既就系來自屯門 ✨📜 甜 (屯門)📍屯門井財街21號協邦大廈地下2號舖🌟Feedback🌟焦糖脆皮香蕉班戟 $77芒果班戟 $87芒果河 $52芒芒鮮茶 $37蘋果蜂蜜鮮茶 $35屯門虹橋必食甜品🍮有梳乎厘pancake 超重空氣感 又有勁多配料又有西軟雪糕🍦全隻香蕉有齊係度🤣🤣 芒果河粉出面好少甜品店有,一碗有埋小丸子 煙韌口感有齊晒👍🏻 最後唔少得水果飲品茶🤍🤍Fresh得黎又可以解渴 仲有果粒食埋水果⭐️⭐️仲見到menu有窩夫超吸引同埋熟食！ 希望下次可以有更大既胃去食😙😙-KS評分- 🌟5分最高🌟🏵環境指數:⭐️⭐️⭐️⭐️🏵味道指數:👅👅👅 👅🏵抵食指數:💰💰💰🏵回訪指數:❤️❤️❤️❤️#美食推介 #屯門美食 #foodhk #hkfoodie #美食分享 #hkfood #食好西 #吃貨 #hkfoodig #hkfoodblogger #食評 #foodieksk屯門 #foodiehk #foodieshk #hkfoodies #foodpics #852food #香港餐廳 #香港必食 #hkfoodblog #香港好去處 #屯門餐廳 #香港美食 #香港打卡好去處

今日喺附近行完七點嚟到呢間甜品舖冇諗過開舖冇耐就有人入嚟寫外賣同埋網上外賣平台啲機都不斷響堂食大概七點半就坐咗七成✧ 泰國珍珠奶茶班戟配軟雪糕（$77）Souffle pancake空氣感十足震騰騰亦入口即化泰奶味香濃得嚟唔會過甜珍珠煮得煙韌度滿分配埋冰凍牛奶雪糕冷熱交融個口感真係冇得輸影相打卡靚到唔捨得食🧡🤎奶茶控一定要試呢個黃金組合✧ 滑蛋蒲燒鰻魚窩夫（$90）成個組合真係有驚喜到本豬‼️窩夫咬落外皮脆卜卜中間仲keep到鬆軟質感滑蛋炒得夠哂嫩滑 又入味鰻魚雖然唔算超大條但照燒汁調得啱啱好甜甜鹹鹹魚皮仲有啲黏唇嘅膠質感成個配搭好有日式風味🇯🇵✧ 芒果河（$52）知道有甜品河粉好耐但係第一次試條條河粉煙煙韌韌仲長過我手指🤭芒果肉同醬多到差啲滿瀉清甜完全冇酸澀味香甜得嚟好light✧ 薑奶兄（$42）勁正熱到出哂煙ॱଳ͘iii飲落去即刻成個身暖笠笠薑味夠又唔會辣喉嚨三色芋圓絕對係亮點咬落去煙韌得嚟有口感西米煮得啱啱好冇硬芯凍冰冰嘅天氣飲真係由內暖到外✧ 紅豆冰（$37）紅豆多到好似唔使錢咁攪極都未攪勻哂😂粒粒煮到起沙又keep到完整奶香突出但又唔會甜到漏飲到底仲有大把紅豆剩懷舊得嚟又有質素

有時候比較多人需要等位但價錢實惠 性價比高🥰呢間絕對係多次回頭的甜品店- - - - - - - - - - - - - - - - - - - - 🐼焦糖脆脆香蕉吉士窩夫🧇大愛焦糖脆脆配埋香蕉都唔會太甜大大份夠兩個人食絕對需要encore🐼宇治抹茶麻糬窩夫窩夫中間夾住麻糬 配埋紅豆、雪糕三重滋味 😋 但呢個就有少少甜同埋比較飽肚😝不過都推介😎

今晚同太太做完嘢大概11:00 ，用外賣平台叫外賣自取方便係Oreo窩夫配奶茶雪糕加小食拼盤。平台顯示35分鐘。我哋都提早嗌定去到啱啱好35分鐘，仲要企喺門口吹風吹咗接近15分鐘先有得攞外賣。根據觀察舖頭入邊只有幾台客，而我太太企咗喺舖頭出邊接近5分鐘，揮埋手都冇人理。服務員都淨係喺度傾偈計。 諗住佢係廚房人手不夠，所以整唔切。攞咗外賣之後，立即打開窩夫同小食拼盤，薯格好明顯已經放到冧咗（一上車立即食），窩夫亦都腍啤啤。🥲非常失望，本來諗住辛苦咗一日，返到屋企附近食返個甜品之後返去瞓個靚覺。點知而家一肚氣。其實有冇人知？其實已經唔係第一次，每次都係因為用外賣平台叫都等得特別耐，同埋質素比較差。堂食或者現場叫外賣反而冇呢個問題。

朋友介紹屯門紅橋一間甜品店的梳乎厘班㦸好正，店名叫甜，是晚特別過黎試下，原來除左甜品，亦有鹹食同炸物小食，就試下佢先。七點來到，店員告知七點三先開門，ok啦去行一圈先返黎，點知七點四返到黎已有四枱客，乜個個都等開門咁誇張。⭐脆辣蜜糖芥末炸雞窩夫點了一份炸雞窩夫，炸雞已切件方便食，下層仲有滑蛋添，窩夫厚身富蛋香，外脆內軟🤤一份窩夫已經勁飽肚，開頭仲諗住當小食，而家直頭係主食黎添啦。⭐明太子煙三文魚窩夫朋友點咗明太子煙三文魚窩夫，呢份一樣係鹹食黎嘅。明太子醬同煙三文魚鮮味鹹香，下層同樣有滑蛋，包埋一齊當三文治咁食真係好正，好味又有口感🤤⭐黑白配黎甜品店又點可以唔食甜品呢，叫咗個黑白配，係仙草加oreo餅碎仲有曲奇雪糕，又香又甜，原來入面仲有珍珠同小丸子，煙煙韌韌，正喎😋⭐甘露豆花朋友點咗個甘露豆花，就係楊枝甘露加豆腐花，望落顏色比較淡，但食落芒果味同柚子味都好重，仲有滑滑嫩嫩嘅豆腐花，甜中帶酸，又係正嘢黎😍⭐炸燒賣見隔離個炸物拼盤好香，我哋又加咗份炸燒賣，炸起上嚟脆卜卜，一份好似有12粒，好飽🤣本身黎係諗住食梳乎厘班戟，點知店員話今日冇，有少少失望添，唯有下次再嚟試啦。

📍 甜{屯門}食完飯，一定要食甜品🍮今日就嚟到屯門人氣店，出晒名好多港女打卡亦都好多人士慕名揸車而黎既糖水店其實依間舖頭仲要喺我屋企樓下，真係超級方便！就算揸車出面都有少量錶位可以泊，不過就先到先得啦！✨ 榴太（椰汁，豆腐花，榴槤肉，雪燕，椰果）呢一款甜品真係成Pat榴槤肉，但係我哋就將椰汁底轉咗做明治牛奶底🥛另外仲加咗女士最愛桃膠，下面仲有豆腐花，鍾意食榴槤嘅你必定要嗌，因為一上枱已經超大浸榴槤味，仲有一筆起都有成大嚿榴槤肉，真係滿足晒食榴槤嘅你🩷✨ 壹號（芒果汁底.西米.芒果、桃膠.椰果）雖然本身材料已經夠晒多，但係貪心嘅我都另外加咗兩款寒天晶球+仙草，一飲落去都已經係好大嘅口感，全部都係我最鍾意食嘅配料，平時出去飲一杯珍珠奶茶都未必可以淡淡食到自己鍾意嘅配料，而且仲有新鮮嘅芒果肉，仲要係新鮮芒果汁底，極力推介❤️❤️❤️❤️✨ 檸檬百香果乳酸茶酸酸甜甜好適合，任何季節飲🥤而且仲有檸檬香，啱啱食完晚餐，飲少少檸檬嘅嘢都會特別消滯！✨ 西瓜汁冇添加任何糖或者水，係真材實料嘅西瓜汁🍉本人十分推介，十分like 👍👍👍