貓毛

營業中

休息中

睇完戲要醫下肚！今次就揀咗對九龍人👦🏻👧🏻未接觸過嘅領域🤣，喺輕鐵景峰站附近嘅半外賣Burger店貓毛！食物抵食，想坐低喺餐廳外食/外賣又得，Whatsapp隨時落單又得，仲要有得儲印仔，儲夠又有得換野食👍🏻(下雨天🌧️訂餐仲有Double印仔😛)。🌟貝羅菇漢堡//超人漢堡👧🏻就叫咗貝羅菇漢堡 - 大啡菇牛肉黑松露堡！麵包夠鬆軟，仲幾香白芝麻味🤍。至於牛肉就係手打牛肉，牛味濃郁，煎得比較熟🐮。大啡菇夠曬Juicy，黑松露醬份量頗多，味道芳香，呢個組合絕對唔會令人失望！如果貝羅菇係一個保守唔會輸嘅組合，超人漢堡就絕對係創新得意嘅選擇！有手打豬肉、炒蛋同咸蛋黃沙律醬。咸蛋黃味道唔會搶另外兩者嘅味道，加上炒蛋層都幾厚，口感豐富👍🏻。🌟薯條//薯餅薯條🍟係用咗曲薯條，啖啖薯仔蓉，再灑上大量黑胡椒碎，點茄醬一流🍅。👦🏻對於唔洗食早餐先有得食薯餅🥔就表示好滿意😛。