越南餐廳·河·飯

營業中

休息中

星期日放假出咗屯門新墟走走，然後食番個下午茶。今日又去試了新店，今次試咗呢間正宗越南美食。點解咁講？因為目測呢間小店的店員全部是越南人。新店開業約只有2個多月，餐廳簡約小店特色，整體衞生企理。正想著食乜嘢嘅時候，店員主動推介《越式鮮蝦米子卷》（$45），就一於試下。首先賣相係唔錯嘅，米子卷有大大隻鮮蝦，生菜包著扎肉，米粉條，及香脆蒜片，的確係好味道。加上佢哋個醋汁，更加香濃惹味。呢個汁一定要試，跟其他港式越南餐廳真的有很大分別，十分好味所以忍唔住用了很多。再加多一份小食《香茅豬扒》（$36），切好碎上方便進食。豬扒醃製入味，濃濃香茅味道，上枱熱辣辣，入口軟香而且肉汁豐富，非常好味。《越式椰汁咖啡》（$32），咖啡香濃，面舖上椰汁沙冰，好睇又好飲！最後臨走忍唔住還買了個《越式烤肉法包》（$40），今晚返屋企當晚餐。法包都冇令人失望，入面超多料，雖然凍咗都一樣好好味！餐廳有多款招牌湯河、檬粉，今次第一次食相當滿意，下次要再來試佢嘅湯粉。食物出品好味嘅小店值得支持，推薦大家嚟一試，一定會令你有驚喜。