越南餐廳·河·飯

營業中

休息中

想食越南河但又唔想食連鎖鋪頭，上網搵到間隱世越南店，睇佢餐牌見價錢好平民，於是就去搵下。間餐廳名叫越南餐廳 . 河 . 飯，真係夠哂簡單直接🤭但堅難搵，喺新墟街市條巷仔入面，仲要兜咗兩次先搵到果條勁隱閉嘅後巷，如果唔係有心去或者住附近嘅街坊都幾難搵。入到去聽到廚房同樓面溝通好似真係講緊越南話，超級地道，隔離仲有間士多仔專賣越南商品，懷疑啲貨都係隔離入😆🥩越南綜合牛肉河🍜牛肉河有生熟牛肉、牛丸同牛展，湯頭飲落濃郁得嚟唔死咸，河粉細滑，仲有好多芽菜，不過並唔係越南果種粗短芽菜有啲可惜，隨河附送辣椒粒同青檸可以根據自己口味添加。牛肉同牛展都係正常野，反而粒牛丸幾好食，有胡椒味亦都幾爽彈。🐷香茅豬扒雞湯河🍲豬扒同個湯河係分開上，雞湯河相對清淡，加番頭先碗牛河嘅辣椒粒無咁寡。香茅豬扒有驚喜，即叫即煎熱辣辣，而且真係有香茅碎連住塊肉，讚!午餐時段免費包一杯熱飲，不過並無寫喺餐牌上面，係侍應提到先知。隨咗我地之外都聽到有幾枱同樣都好疑惑，如果餐牌寫清楚就更好喇🤔不過以呢個價錢嚟講性價比絕對OK，本身唔係太大食的話都值得推介支持下小店🙂‍↕️

Openrice個名係越南餐廳•河•飯搞到搵左勁耐😵‍💫原來改左名叫1986係新墟街市一條巷入面 都幾難搵似越南人開嘅 價錢都唔貴越式雞飯 ($55)勁多雞肉 仲要係雞髀位 肉幾嫩另外仲有隻流心蛋 撈飯好食仲有d青瓜同蘿蔔絲 清新口感配個兩個醬都好惹味 好食海防烤肉撈檬 ($50)係烤腩肉 切薄片 幾香口本身個撈檬已經落左魚露如果凍d就好 配料都係青瓜蘿蔔絲、生菜絲同花生個d越式乳酪沙冰 ($25)幾大杯 飲落唔會勁酸乳酪味 少少甜 都好飲👍🏻

本人到店外賣自取，叫咗個烤肉撈檬同春卷，同埋叫咗杯越南柑桔茶，到最後返到屋企先見到冇比杯嘢飲我，返到屋企後想打電話到店詢問店員可否提供解決方法，但結果電話都係冇人聽嘅，令我感覺今次嘅服務欠優。

🔶越南綜合牛肉河 $60★★★★☆食越南野真係唔會錯過Pho，諗住第一次食就叫綜合牛肉河，咩都有啲，點知原來係冇生牛肉。但就有牛丸、牛展肉。牛丸口感彈性有肉味唔係淨係粉個隻，牛展肉就半筋半肉咁，炆煮到淋哂，但嫌佢差少少味道。湯底望落雖然清清地，但飲落又出奇地香濃，加少少青檸汁同辣椒，真係狂飲碗湯。河粉好細滑，軟稔感剛好，又吸到湯汁，正！🔶豬頸肉法包 $40★★★★☆每個法包都會烘熱到脆底，食落脆卜卜，入面有酸甜紅白蘿蔔絲、青瓜，略微醃得唔夠酸。豬頸肉入味夠咸，切碎左夾落去食落更方便，但整體食落係好食！🌟總括：位置超唔起眼，但味道都幾正宗，住喺附近可以一試。

💛正宗越南人做既味道👍牛油果沙冰新奇健康又好飲。米子卷嚿嚿都有蝦，菜，粉絲，包到滿滿，材料好新鮮。堂食即製即食最對味🤤🤭🤭🤭🤭🤭#baonamquan

最大嘅驚喜竟然係法包，叫咗個豬扒包，超級好食，真係極度之👍🏼👍🏼👍🏼因為個包裏裏外外都係脆卜卜，個豬扒整得好好食，夾埋簡直無敵😆另外個越南咖啡又係非常之好飲，香茅豬扒撈檬值得一試！住屯門嘅朋友，可以去食下😝

見到有朋友去左越南🇻🇳我都好掛住呀🥺無得飛，唯有食住越南野過下口癮😋原來屯門有間越南小店係新墟街市個頭假期一樣有下午茶👍🏻🖤招牌生牛肉湯河 $50湯頭清甜，牛肉份量都多，不過牛味唔算濃郁可能係食完澳洲牛，所以有對比🙈河粉真係好滑，有別於坊間一般食到既🖤豬扒法包 $40越南法包🥖同樣岀名，梗係要叫返個回味下🥰夾雜住🥕紅蘿蔔絲同🥒青瓜絲，酸酸甜甜加埋豬扒同肉鬆，同埋新鮮熱辣辣又脆口既法包，好味😋

今日一個人行到去新墟附近，搵地方食晚餐，又唔想去多人既地方，竟然比我係巷仔入面，發現呢間越南野。好，坐低睇下有咩好食先。扎肉撈檬，個粉都幾大碗，扎肉都唔少，上面有花生、乾蒜，好香口。呢款檬粉白色，，睇相都見到好光澤，食落係好滑口，暫時係我食過最好食嘅檬粉。越式春卷，春卷肥嘟嘟，外面個皮係金黃色得黎薄到半通透，有啲似支竹炸皮，比岀面平時食開既更脆。裡面塞滿滿餡料，而且見到餡料係有層次整齊咁放，口感好豐富。熱柑桔水，食完熱氣野，叫左杯柑桔下下火，又唔會太甜，唔錯！

出去買嘢，行行吓開始肚餓，心血來潮好想食越南河，咁啱就見到呢一間越南餐廳呢間小店感覺幾地道，我就叫咗個越式牛肉湯河，越式海南雞飯！等咗一陣就有得食啦，個越南河賣相都幾靚，配有青檸同埋辣椒仔可以加入河粉，個湯味道都幾濃，呢度用嘅牛肉係牛肉片，而唔係出面用嘅肥牛，所以食落去更有咬口！推介大家試吓用餐廳一個裝有蒜蓉片嘅醬汁，加咗落去酸酸甜甜真係幾好味第一次食越式嘅海南雞飯，原來仲會有煎蛋，上面中間有蔥油，雞肉都好滑，份量都幾多另外都叫咗個越式牛油雞翼，即叫即整熱辣辣好有驚喜嘅係杯椰子咖啡，上面有一層椰子沙冰，樓下個咖啡味道好香，好濃，加上椰子沙冰味道好有層次牛油果沙冰都唔錯，真係用牛油果去整，好香牛油果味，所以整體嚟講呢間越南小店真係好有驚喜

入面好污糟…地下、枱面同櫈都係癡笠笠坐坐直頭身痕…好癲啲麵完全係茶餐廳味….同係越南食嘅味道差好遠好遠啲湯勁難飲！冇牛味！味精湯咁……唔係其他寫手咁寫到咁好味囉…佢地冇良心架！唔好信佢地！我就係比佢地食評呃咗！唉！佢地係咪食開餿

放假去開屯門新墟街市附近，發覺有條巷好似西貢嘅美食街有越南餐廳之外，仲有泰國小食店，假日都好多人去呢到食野餐廳唔算好大，大概可以容納20人主要係食湯粉、撈檬、越南特色飯同小食招牌生牛肉湯河係我首選之一🤤生牛肉半生熟上枱，用湯嘅溫度將牛肉整熟牛肉肉質鮮嫩，較少脂肪，入口嫩滑好香濃嘅牛肉味啊🤤湯底唔會好鹹，仲有陣陣牛肉香味，而且河粉好掛湯添😋雞扒撈檬估唔到咁滋味😋雞扒香煎至金黃食，外皮香脆帶有香茅香味，非常惹味將酸汁同檬粉、蘿蔔絲、青瓜絲？花生碎拌勻酸酸甜甜，開胃又好味啊！小食首推牛油雞翼香炸牛油雞蛋香噴噴，雞翼大大隻，咬落去唔會好油外脆內軟，好滋味😛😛越南餐廳·河·飯 屯門屯門鄉事會路94-110號康利中心地下17A號舖

越南餐廳·河·飯 (屯門)屯門屯門鄉事會路94-110號康利中心地下17A號舖青檸梳打$8青檸加入梳打之後消暑解渴，透心涼。越南🇻🇳奶咖啡$15非常濃郁嘅咖啡，調配得啱啱好，提神醒腦，香淳奶滑，正！小食拼盤$90雞翼豬扒墨魚🦑餅非常豐富，雞翼、豬、墨魚餅🦑，每樣各有四件，都勁飽，香茅雞係最好食，外脆內滑，豬扒乾身，墨魚餅爽口彈牙。越式雞肉湯河$50要讚一讚個湯底非常好味，我可以飲嘢，雞肉新鮮，竟然會類似白斬雞質感，河粉好食夠透明。烤肉撈檬$58烤肉香，湯底夠味，檬粉彈牙，烤肉外脆肉嫩，配合整碗粉好夠料好豐富！

越式雜錦飯$65呢個飯真係好抵食，大大碟，有四隻香茅雞翼、一個太陽蛋、一份香茅豬扒，每樣都勁香口好好送飯，雞翼脹卜卜，香茅味十足，豬扒都係，充滿香茅味，碎上，方便客人進食😽🫰🏻仲有青瓜、蘿蔔絲同肉鬆越式春卷$38老闆娘話佢地春卷好受歡迎，所以又叫咗一份嚟試吓，一試果然冇呃我，春卷皮好薄好脆，好似紫菜咁薄，但係又唔會令到入邊嘅餡爆出嚟，餡有肉碎、蘿蔔絲同木耳，由於佢係炸嘅，所以怕油嘅朋友可以陪佢哋嘅撈檬汁 越式鮮蝦米子卷兩條$45呢個咪卷非常清新，入面包住大大隻嘅蝦，有埋檬粉係入面，有埋生菜同扎肉粒，成件事好有口感😆烤肉撈檬$58烤肉好香，炸咗啲肉好有口感，但係炸完又唔會好乾，份量又夠多，有埋生菜青瓜絲同蘿蔔絲，真係好大碗女仔應該食唔晒🙈anyway 真係好抵食青檸梳打青檸梳打真係好解油膩 ，食親越南嘢都一定會飲嘅飲品

今日路經屯門新墟的小巷，竟然發配左間越南小店🌟🌟買左個生牛肉湯河，配左杯青檸茶盛惠💲60+💲81. 飲品青檸真的令飲品好清新👍🏻👍🏻👍🏻2. 生牛肉湯河本身想撩晒d牛肉上來影相，但無論幾努力撩，都真係得！！咁！！少！！💲60黎講真係算少得可憐🥺🥺🥺不過，外賣拎到出去食，牛肉都仍然幾好咬口，質素已經算幾唔錯。而且外賣都做足乾濕分離，整體都可以接受既～

對於我哋嚟講，屯門真係這麼近 • 那麼遠。今次有住喺屯門嘅牛朋友，就介紹我哋捐窿捐罅，嚟到屯門新墟街市尋寶。去新墟街市除咗買餸，原來仲有一條專賣泰國同越南食品嘅巷仔，推介位於巷仔入面呢間食越南菜嘅神秘小店：越南餐飯.河.飯。越式下龍灣炸墨魚餅墨魚餅即叫即炸，炸到金黃色，非常香口。一啖咬落去，非常驚喜，入面蘊藏勁多墨魚料，充滿口感！越北綜合牛肉湯河食越南菜當然唔少得食Pho，如果想食多幾款配料，叫碗越北綜合牛肉湯河就啱晒。我哋最鍾意爽口彈牙又爆汁嘅牛丸、至於牛展肉味香濃，但最正係濃濃牛骨味嘅湯底，忍唔住飲咗幾啖湯。招牌生牛肉湯河生牛肉湯河係餐廳嘅招牌菜，生牛肉呈現粉嫩嘅粉紅色，靠熱湯將牛肉浸熟，生熟度啱啱好，肉質嫩滑，肉味香濃，色味俱佳。青檸梳打、柑桔水飲品方面就叫咗青檸梳打同柑桔水，非常清新解喝！