頂立 (裝修中)

位於屯門紅橋有間好有heart嘅小店🤍 理念就係將咖啡配搭鰹魚湯鮮味嘅烏冬一齊品嘗，令到味蕾有不一樣的衝擊同感覺。由店員嘅細心介紹聽得出佢地對食物出品嘅執著，menu同店入面嘅擺設都有花心思～❃ 鬼 · 頂立 - 地魂 「豚魔」❃ 鬼 · 頂立 - 海魂 「海神」兩種湯頭都係以鰹魚昆布作為基底，湯濃而不油，湯頭仲係好清，我推介海鮮湯，湯頭以清酒、蝦頭、龍蝦殼熬製，有層次非常鮮甜。用上稻庭烏冬，偏軟身但比起一般讚岐烏冬更加吸湯！叉燒煮得入味，軟冧厚身。set配前菜明太子蟹子沙律，有驚喜！甜品櫻花漬紅豆和菓子，店員教連埋櫻葉一齊食，配埋甜忌廉，咸甜好味。❃ cold brew店家教可以先飲一口咖啡再飲一啖湯頭，令味蕾感受唔同風味，咖啡偏酸帶果味。❃ lemonade 連成個罐都係自家製，用咗檸檬皮，豆蔻，有啲咸檸檬感覺！