雲貴風正宗雲南米線

營業中

休息中

餐廳位置唔多，所以要食呢間係屯門出曬名嘅米線鋪，少不免要排下隊。今次好好彩，等左5分鐘就入得喇。細細間餐廳迫滿曬人，環境甚至可以話係狹隘。講返野食，配料選擇都幾多，仲有啲係普通米線鋪食唔到嘅配料，價錢都唔算貴。豬頭皮米線中辣 $29豬頭皮爽口不油膩，份量都頗多，好少見到有呢個餸揀，見到可以試下。米線較出面嘅粗身，更有口感，但自己就覺得太硬，莫名嘅消化不良感？！湯底唔酸都唔麻，係兩者嘅mix，不過就有啲兩不就嘅感覺，自己就麻麻喇以家啲雲南米線越開越多，要係入面真係做突圍而出，真係好難。或者呢間餐廳以前真係做到，但而家有多間米線鋪比較下，就只能算係還可。