반찬앤쿡 Banchan and Cook (屯門市廣場1期) (已結業)

Banchan & Cook 係一間木系裝修嘅咖啡店。餐廳氛圍舒適，座位分佈上亦見心思，喺情侶約會同小團體聚會之間充分平衡。佢地嘅招牌菜之一係蛋包飯！我地點左嚐吃套餐，其中包括水星八爪魚腿蛋包飯。蛋包飯嘅顏色係視覺非常衝擊嘅藍色！蛋皮鬆軟，配上帶甜味嘅炒飯，好好味。我個人最鍾意嘅係榖神星大蝦墨汁意粉。黑色醬汁充滿鮮味，濃濃包住每條彈牙意粉。去韓國餐廳當然要試下佢地嘅炸雞！我哋揀咗原味、芝士同蜜糖味。芝士味最好食，每塊無骨炸雞都保持脆身多汁！最後，我地試咗焦糖芝士蛋糕牛角包窩夫，完全啱我口味，甜度適中，加左少少帶鹹焦糖絲，打卡一流！好邪惡好好味。總括而言，我地好享受呢度嘅用餐體驗！