泰國婆

營業中

休息中

Vcity 一樓多左好唔同既餐廳, 屯門人又多左選擇。呢間泰國婆係地方唔大, 但裝修好有泰國風格, 夜晚去到都幾多人食。 泰式紅咖哩魚餅 $78第一次食紅咖哩魚餅, 裡面有豆角, 魚露, 紅咖哩醬,再炸係有種特別既香料味,我係幾中意, 點埋甜酸醬食更好。 清邁雞脾咖哩湯麵 $78面頭有炸過既麵,炸魚仔 , 咸菜, 洋蔥粒, 小青檸,係配料之下就係一隻大雞脾,雞脾都係整到好腍,肉質嫩滑, 雞皮同雞肉吸左咖哩甜辣既香味更好。呢度用既麵係幼麵, 幼麵仲會吸湯汁, 所以覺得愈食愈多。 泰式菠蘿刨冰 $38食完湯麵再飲啖菠蘿刨冰, 清爽解膩, 菠蘿刨冰微甜, 唔會死甜。