一幻拉麵

營業中

休息中

有間新的拉麵店登陸屯門市廣場，唔幫襯都唔知呢間野大有來頭，二人限一枱叫一碗屯門別注蕃茄拉麵再加一碗季節限定的咖喱拉麵就Fit晒。跟手叫咗煎餃子、沙律同埋一個飯團，都米話唔豐富。試完兩款拉麵，覺得咖喱唔係唔好食，不過蕃茄配蝦湯拉麵明顯精彩好多，可能係咖喱蓋過咗蝦湯嘅香濃，感覺上有D浪費，因為佢個蝦湯真係非常香濃，唔怪得成為佢嘅生招牌。另一樣要留意係咖喱湯麵係肉粒而唔係一大片一大片的叉燒，所以食咖喱拉麵又想食一大片叉燒就記住要追加。煎餃子、沙律同埋飯團嘅味道就正正常常啦，個飯團都幾好食，比出面食到的飯團大舊，好似係用蝦湯原料先做有味飯然後再整飯團。最後仲試埋佢個北海道限定梳打水，問心就無乜特別，不過因為出面好少見所以心裡感覺良好。整體好味，同埋覺得佢都算抵食，因為印象中如果去出面D過江龍拉麵店花差不多的錢好似無佢咁飽。