麻辣派對 (瑞生酒店) (已結業)

我本人好喜歡食辣，尤其是水煮魚、水煮牛肉之類，朋友知我這個喜好，就特別介紹咗位於尖沙咀一間叫做麻辣派對的食店；一進內好有feel 店裏面嘅裝修好靚好特別好有色彩! 這裡水煮魚有幾款味可選擇分別有水煮味型、酸菜味型仲有鮮椒味型及蕃茄味型，都好多選擇呢！另外鍋類都有好多配料、味道、配菜任由配搭至於鍋類分別有田雞鍋、羊肉鍋、牛肉鍋等等，我哋就揀咗水煮魚、酸菜牛肉鍋、黃燜豬手鍋，不得不提嗰個黃燜豬手鍋，醬汁惹味之餘豬手又好入味而且份量又足夠，簡直食不停口！我欣賞小食中的鮮椒爽生腸真的好爽口，覺得唔夠飽仲可以order米線、薯粉、白飯𠻹，如果想轉口味仲可以落單小菜，款類都不少，我留待下次再惠顧試試！