荷里活冰室 (麗閣商場)

營業中

休息中

同朋友經開呢頭，入左去食個中午飯，叫左幾個是日午餐之選，有湯或飲品送。炒米賣相一般，但味道還可以接受，d粉斷成一段段，但份量好多。有茄子有叉燒，都好多料嘅。蔥香豬排飯豬扒都幾嫩，而且好入味，好有香蔥味。意外地好味。咖哩牛腩飯好多牛肉同埋薯仔，汁有椰香，汁係濃，味道都好好味，飯就有啲硬。鳳爪排骨飯好大碗，有個蒸籠裝住d飯，個底放左荷葉，令飯有荷葉香，都幾有心機。d鳳爪排骨好入味同埋大件。整體來講，呢度的食物性價比高，服務員態度都可以。