影片
更多
2021-11-02
456 瀏覽
屋企搞裝修🏗️，真係多咗個機會黎火炭，所以都多咗機會試新嘢😋。所以今日同老婆又嚟咗火炭，行完攰咗就去咗火炭駿洋邨尋找美食🧑🍳。唔知點解呢排好鍾意喺五點半至六點呢個下午茶同晚市之間嘅交界去食飯。因為可以食下午茶之餘又可以同時食到晚餐。喺門口見到個menu好多選擇同埋價錢都好平民。所以就入去試下依間環境幾光猛幾新淨裝修嘅茶餐廳@瑞榮餐室。🍝下午茶餐🍝✨粒粒金磚🍞配脆香惡魔炸雞肶🍗$40仲送埋熱飲，凍飲都只係加三蚊，超級抵。落單一陣，好快就送到嚟，粒粒西多士估唔到咁大粒同炸得好金黃，入面仲夾住滿滿嘅花生醬，再配埋隻仲大過我塊面而且非常入味嘅生炸雞髀🍗，食完超級滿足。✨馬來星洲炒米🍝$45：唔好以為下午茶餐就好細份，錯la，係超級大碟，而且仲好有鑊氣，炒得夠乾身。✨椰汁紅豆冰🍨：+$12.5（半價）可以叫埋特飲，講真椰汁紅豆冰真係第一次試，但係估唔到咁夾，又唔會太甜，啲紅豆仲粒粒都起曬沙又飽滿又多。晚餐🍲我嗌咗個茄子🍆豬頸肉煲🍲$75：一上枱未打開蓋已經聞到香味，用煲上真係唔同啲，保溫之餘，仲夠曬風味，個茄🍆豬頸肉🥩煲🍲一啲都唔油，茄🍆仲好入味，豬頸肉個量都好多，配埋個白飯超級好餸，個餐仲包埋
唔知點解呢排好鍾意喺五點半至六點呢個下午茶同晚市之間嘅交界去食飯。因為可以食下午茶之餘又可以同時食到晚餐。喺門口見到個menu好多選擇同埋價錢都好平民。所以就入去試下依間環境幾光猛幾新淨裝修嘅茶餐廳@瑞榮餐室。
🍝下午茶餐🍝
✨粒粒金磚🍞配脆香惡魔炸雞肶🍗$40仲送埋熱飲，凍飲都只係加三蚊，超級抵。落單一陣，好快就送到嚟，粒粒西多士估唔到咁大粒同炸得好金黃，入面仲夾住滿滿嘅花生醬，再配埋隻仲大過我塊面而且非常入味嘅生炸雞髀🍗，食完超級滿足。
✨馬來星洲炒米🍝$45：唔好以為下午茶餐就好細份，錯la，係超級大碟，而且仲好有鑊氣，炒得夠乾身。
✨椰汁紅豆冰🍨：+$12.5（半價）可以叫埋特飲，講真椰汁紅豆冰真係第一次試，但係估唔到咁夾，又唔會太甜，啲紅豆仲粒粒都起曬沙又飽滿又多。
晚餐🍲
我嗌咗個茄子🍆豬頸肉煲🍲$75：一上枱未打開蓋已經聞到香味，用煲上真係唔同啲，保溫之餘，仲夠曬風味，個茄🍆豬頸肉🥩煲🍲一啲都唔油，茄🍆仲好入味，豬頸肉個量都好多，配埋個白飯超級好餸，個餐仲包埋例湯，一啲味精都冇。
😎講真依d屋村商場有呢啲咁高質素嘅餐廳真係好有口福♥️💓住附近啲人真係幸福💓💓
張貼
