新泰東南亞餐廳

營業中

休息中

呢間餐廳已經同屋企人一起黎過好多次，抵食又好味，每次都覺得有新驚喜，今次都不例外。一開始上既係青木瓜沙律，木瓜條幼細酸脆，爽口又醒胃。食一啖青木瓜沙律再配一啖佢既椰青沙冰，冰冰涼涼，相當清爽，瞬間胃口大開。今次既海南雞非常驚喜，雖然雞味唔係好濃，但係就勝在雞肉超級滑。青咖喱唔係好辣，香濃惹味，蒜蓉包鹹甜香脆，非常推薦將青咖喱擺係蒜蓉包上面既食法，口感好有層次，滿足感大增。魚肉生菜包相當特別，魚肉粒炸到外脆裡嫩，包係生菜入面食完全唔油膩，反而好爽口，不過如果貪心包多左就好易漏出來菠蘿炒飯非常香甜，馬拉盞通菜炒得好夠味。