明記海鮮酒家

營業中

休息中

每次去流浮山食海鮮🦞都會幫襯明記海鮮，餐前有大大碗海鮮芥菜豆腐湯，湯好鮮味好多配料。嚟到流浮山必食一定係酥炸蠔😍蠔又大隻又肥美，酥炸口感鬆脆，沾少少椒鹽食，蠔鮮味更加突出。另一款必食推介，就係明記招牌炒飯，每次去食一定會叫呢碟炒飯，好好食，不但夠鑊氣，每粒飯的軟硬度適中，炒飯配料好足料，有大大隻鮮蝦、叉燒等，全家人都好鍾意食🤭其他海鮮一樣夠鑊氣又新鮮😋豉椒炒蟶子、豉椒炒蜆，肉鮮甜又肥美，好厚肉。椒鹽鮮魷好爽口，炒小菜一樣好味，叫咗炒咕嚕肉、油鹽水浸菜，全枱食物冇食剩，款款清晒碟。