Hea Ha Hea Ha 居酒屋 (裝修中)

新年過後回復平靜，不用到處拜年，相約朋友可慢慢享受一頓晚餐。呢間居酒屋友人推介，嗰名都幾搞鬼，hea 下hea 下，今晚真係要hea 一下。前菜三款，各具特色，係佐酒小吃。艷紅蛋漿配免治雞肉串，又滑又溜…..最佳拍檔。熱辣辣燒廣島蠔，海洋味道濃厚，鮮甜。大根牛根味噌煮，有點似中式煮法。牛根份量多，有嚼口。冲繩苦瓜秋葵沙律好喜歡，肥膩嘢食得多，清爽嘅呢個沙律可平衡一下營養。鹽燒油甘魚鮫好味！肉質鮮美，燒得香口。