家賀屋刺身寿司專門店

灣仔到銅鑼灣之間，原來都多隱世食店，在灣仔行去銅鑼灣中途見到間居酒屋，見餐牌既食品又不錯又有啤酒飲，咁不妨試下。【原味乳酸梳打】味道清新開胃，吹水餸小食是不錯之選，唔飲酒的話值得推介這杯飲品。【炸三文魚皮】原來炸三文魚皮，入油炸之後，又夠乾身，香脆可口，下酒菜不二之選。【江戶刺身-定食】刺身定食都好豐盛，有刺身、烏冬、蒸蛋、沙律、湯等。刺身：海鮮刺身真是人材仔仔，勁豐盛，內裡有鯛魚、中拖羅、油甘魚、赤蝦等，顏色非常搶眼，刺身方面勁鮮甜，赤蝦又爽口彈牙，中拖羅又夠厚身，入口即溶，滿口魚油香，超正。烏冬：口感煙韌，層次感的豐富，使人垂涎三尺。蒸蛋：蒸得剛剛好又夠熱，內裡軟滑，材料豐富，軟嫩的口感，讚!沙律：新鮮清爽。麵豉魚湯：味道適中，不會太鹹，材料豐富，又有魚肉，飲完非常暖笠笠。【椰子雪葩】椰子雪葩有雪糕既香滑口感，每啖都有香濃椰子香味，奶味突出。外型用了椰子外殼盛載，有超高級享受。