影片
更多
2022-07-27
1262 瀏覽
帶你走進尼泊爾fusion菜之夜，The Jungle 位於佐敦廟街，這條街超級多餐廳，但路過你一定會被這間餐廳的異國風情外觀吸引，外觀木系設計為主，有一棵好粉紅嘅桃花，有幾張木凳等位可以休息吓，餐廳裏面更加吸引，被綠色植物包圍，晚上燈光比較昏暗，非常有feel，感覺就係我當自己去咗旅行一樣😎係人都知道我好鍾意食印度嘢，佢鄰近國家嘅朋友既食物我都一樣咁喜歡，今日就試吓尼泊爾嘅食物，佢哋嘅食物都有共通點，就係加咗大量嘅香料，我就係比香料已經迷惑咗😋😋🥟▪️MoMo 尼泊爾豬肉餃子 $ 88尼泊爾名物，必食推介，我今次揀咗蒸豬肉餃子，餃子大大隻，皮好煙韌而且濕潤，豬肉餡好Juicy，加咗微微香料調味，面頭仲要有我最鍾意嘅芫荽，好好食，配合尼泊爾辣醬一齊食，更加惹味🍔🍟▪️Grilled Beef Burger $ 168點解要喺度食burger？ 仲要係店舖推介🤔burger 一上枱就聞到好香燒烤牛肉味，而且好厚身，逐層分解，漢堡包係竹炭包，同普通漢堡包完全唔同，係非常煙靭嘅質感，有新鮮生菜，紅洋蔥， 一塊燒得生熟程度剛好，肉汁非常豐富嘅牛肉，厚厚嘅半溶芝士和蕃茄，醬汁係BBQ醬，小心一邊食一
帶你走進尼泊爾fusion菜之夜，The Jungle 位於佐敦廟街，這條街超級多餐廳，但路過你一定會被這間餐廳的異國風情外觀吸引，外觀木系設計為主，有一棵好粉紅嘅桃花，有幾張木凳等位可以休息吓，餐廳裏面更加吸引，被綠色植物包圍，晚上燈光比較昏暗，非常有feel，感覺就係我當自己去咗旅行一樣😎
係人都知道我好鍾意食印度嘢，佢鄰近國家嘅朋友既食物我都一樣咁喜歡，今日就試吓尼泊爾嘅食物，佢哋嘅食物都有共通點，就係加咗大量嘅香料，我就係比香料已經迷惑咗😋😋
🥟▪️MoMo 尼泊爾豬肉餃子 $ 88
尼泊爾名物，必食推介，我今次揀咗蒸豬肉餃子，餃子大大隻，皮好煙韌而且濕潤，豬肉餡好Juicy，加咗微微香料調味，面頭仲要有我最鍾意嘅芫荽，好好食，配合尼泊爾辣醬一齊食，更加惹味
🍔🍟▪️Grilled Beef Burger $ 168
點解要喺度食burger？ 仲要係店舖推介🤔burger 一上枱就聞到好香燒烤牛肉味，而且好厚身，逐層分解，漢堡包係竹炭包，同普通漢堡包完全唔同，係非常煙靭嘅質感，有新鮮生菜，紅洋蔥， 一塊燒得生熟程度剛好，肉汁非常豐富嘅牛肉，厚厚嘅半溶芝士和蕃茄，醬汁係BBQ醬，小心一邊食一邊留汁，非常之好食，另外伴菜薯條炸得香脆，亦都加重左香料，正
🍕▪️Chatamari $ 98
好似Pizza但實質唔係，係用米漿配上雞肉碎洋蔥，香菜，薑蒜醬，青辣椒，雞蛋煎香，口感就好似比較薄嘅蛋餅一樣，餅邊香脆，餡料味道豐富，加上面頭嘅食用花，第一次食幾得意
🍮▪️Kheer 尼泊爾米布丁 $ 68
有幾款甜品可以選擇，但係呢個係最正宗嘅尼泊爾風味，賣相有啲似BB食的糊仔，材料係用米，大量果仁，肉桂，煉奶製成，事實上口感真係食糊仔，好有米香，最喜歡就係有粒粒果仁同埋肉桂嘅味道，而且唔太甜，估唔到咁好食
🍹▪️Mixed Berries Smoothie $ 58
FreshMixed Berries•Yoghurt•Almonds•
Condensed Milk
用心製作嘅飲品，賣相超靚，杯面有花和紅莓串
主要用什莓，煉奶和酸乳酪打成，味道甜甜酸酸，質感濃厚，仍然食緊粒粒果仁嘅口感，唔太甜，我鍾意
🍹▪️Tropical Smoothie $ 58
Fresh Pineapple•Mango•Passionfruit•Vanilla Ice Cream
非常突出芒果同埋菠蘿味，同雲呢拿雪糕一齊打制，質感非常香滑，用上新鮮菠蘿，怪不得咁香香菠蘿味，呢杯真係大人小朋友都一定喜歡，必飲推介
✨一定會再回訪，除咗環境吸引，兩名尼泊爾籍嘅服務員超級友善，今日重睇咗佢哋嘅餐牌好耐，好多嘢都好想食，已經諗定下次好想食炸嘅尼泊爾餃子，炒米通…………..
張貼
