Dodam Chicken (1亞太中心) (已結業)

去亞太中心唱完K，順便落樓覓食，見到間韓國菜好似幾新，裝修都幾靚，入去食咗個lunch～食物：韓國海鮮湯麵 $98用傳統韓國即食麵煲上，入邊都有多款海鮮，青口呀魷魚仔呀，湯底好特別，好香麻油味，唔會太辣，啱唔食得辣嘅朋友～蜂蜜牛油脆雞 （半份）$148韓國最出名就係食雞，呢度嘅招牌菜，五花八門嘅炸雞或者烤雞都有得揀，而且呢度嘅炸雞就都有得揀有骨或者無骨，我哋呢啲懶人就揀咗無骨啦🤣半份嚟講，份量都超級多，兩個人食一定夠食，蜂蜜牛油味香，雞外脆皮，裏面都唔會靭，唔錯唔錯👍🏻招牌年糕 $155醬汁偏酸，適合鍾意食酸嘅人試吓，分量十足，年糕煙靭，另外仲有啲魚糕。甜品吧原來仲有免費甜品吧供應，有椰汁紫米露，麵包布甸，同埋可以自己整窩夫格仔餅食，除咗甜品，亦都有泡菜隨便食。環境：餐廳座位闊落，地理位置方便。