盛意小館點心粥麵

營業中

休息中

打完風去咗尖沙咀行街，經過漆咸道南見到有間食點心粥麵嘅「盛意小館點心粥麵」藍色嘅門面光猛整潔，仲係米芝蓮星級點心主理，價錢仲一啲都唔貴，今晚就食點心做晚餐😆全部點心都係即叫即蒸，熱辣辣👍🏻花膠瑤柱灌湯餃清甜嘅湯底加入花膠特別養顏，灌湯餃大大隻餡料足，一啖就食到蝦肉豬肉冬菇，加入少少紅醋更能特出鮮味蝦餃皇皮薄餡多，蝦肉新鮮爽口彈牙鮮蝦燒賣食得出係手打自家製，外皮夠薄又煙靭，蝦肉多夠爽口，粒粒又大又飽滿名醬蒸鳳爪一碟大概有6,7件，份量多又夠晒入味流心鵪鶉蛋燒賣造型有別於我地平時食嘅鵪鶉蛋燒賣，呢度係中間有粒鵪鶉蛋，旁邊有蝦肉包住，食落啖啖肉，滿足黑白蘿蔔糕推介👍🏻一碟有2串，每串有兩粒白色兩粒黑色嘅蘿蔔糕，白色係平時食嘅蘿蔔糕，而黑色就係墨魚汁蟹肉昆布蘿蔔糕，外脆內軟，入口食到香濃嘅海苔味，好好食😋蘿蔔絲酥新鮮即製，熱辣辣，外表酥脆裏面係一絲絲清甜嘅嘅蘿蔔絲，蘿蔔愛好者必點👍🏻牛腩麵滿滿一大碗牛腩，牛腩肥瘦相間帶點根，但唔會黐牙，麵質爽口Q彈冇鹼水味，小店嘅麵食都做得非常出色鳳爪排骨飯推介👍🏻唔好以為細細碗，係一大個蒸籠上，下面鋪咗荷葉，令到啲飯充滿荷葉香，排骨嘅份量亦好多，肉質鬆軟冇肥