滝雲

營業中

休息中

尖沙咀地鐵站B2出口沿住金巴利道向前直行約5分鐘站就可以見到「滝雲」。餐廳主打壽司和燒物，設有單點和廚師發辦，選擇繁多，以食材新鮮爲賣點，由日本豐洲直送到港。 <夏季限定晚市鮨燒二人前> $880先付前菜爲海螺漬物，口感爽脆，海螺大粒+好入味。時令刺身5點刺身分別爲中拖羅、元貝、赤蝦、鮮魷和池魚，我特別鍾意中拖羅，無筋兼入口即溶，油香四溢。時令燒海鮮燒海鮮既主角喺西京燒馬友，馬友外皮煎得略爲焦香，魚肉結實，甘甜的味噌中和了鱈魚的油膩感，旁邊更有菊花花瓣伴碟。串燒6款串燒有秋葵、車厘茄、鰻魚、雞髀肉、五花腩和雞皮，其中五花腩同雞皮油脂豐富；鰻魚肉質彈牙，調味剛好。廚師特選壽司十貫特選壽司包括魷魚、鯛魚、甜蝦、海膽、銀鱈魚，當中以海膽同銀鱈魚最得我地歡心。海膽鮮甜，入口即溶，一些都唔腥；銀鱈魚同樣鮮甜，加上嫩滑魚肉，好想再encore叫多份。吞拿魚蓉手捲手卷最怕飯多料少，但呢個吞拿魚蓉手卷就唔會～飯同魚生嘅比例喺食到最後都仲有吞拿魚蓉。味噌湯味道唔會太鹹，有海帶同洋蔥絲，暖胃。甜品咖啡慕絲甜甜地口感順滑。