影片
更多
2022-09-06
631 瀏覽
打邊爐無分春夏秋冬，大熱天時想打就打，今日去咗位於尖沙咀一間新開嘅火鍋店，位置有少少隱蔽但唔難搵，位於海防道入亞士厘道路中嘅寶豐大廈2樓，尖沙咀地鐵站A2行2分鐘就到，火鍋店裝修雅致，座位寬躺坐得幾舒服這裏基本上你講得出打邊爐嘅材料都一定會有，主打新鮮海鮮，高質牛肉類，自家創意手打丸，手包特色餃子，另外有大量海鮮刺身供應，特別驚喜嘅係其中一款燉湯打邊爐湯底，原鍋燉湯可以先飲晒啲湯再打邊爐，非常有創意，啱晒鍾意飲湯嘅我✨▪️點咗嘢食之後店員就會拎一個九宮格嘅調味料俾你自己選擇，乾淨好企理，唔使離開座位行出行入，好方便，有齊晒蔥，芫荽，香芹，辣椒，蒜蓉，薑粒，洋蔥，芝麻，炸香蒜一定有幾款啱你口味🐠▪️日本鯛魚刺身原條即劏鯛魚刺身，細細條二人份量啱啱好，肉質入口彈牙，味道非常鮮嫩，魚味本質味道較淡，可以加少少Wasabi和淡醬油，提鮮魚味🥘▪️鹿茸菌燉花膠湯這個燉湯不得了，用鹿茸菌，鮮雞殼，雞腳，花膠一切熬製，味道清甜，絕無味精，未打邊爐之前我飲咗五六碗，一定要飲多啲唔好浪費，花膠同雞腳都唔可以錯過，都好好食，之後先再叫姐姐加湯再打邊爐😋🐮▪️牛頸脊睇埋相就知道非常高質，牛肉充滿油花，只需淥大約15
打邊爐無分春夏秋冬，大熱天時想打就打，今日去咗位於尖沙咀一間新開嘅火鍋店，位置有少少隱蔽但唔難搵，位於海防道入亞士厘道路中嘅寶豐大廈2樓，尖沙咀地鐵站A2行2分鐘就到，火鍋店裝修雅致，座位寬躺坐得幾舒服
這裏基本上你講得出打邊爐嘅材料都一定會有，主打新鮮海鮮，高質牛肉類，自家創意手打丸，手包特色餃子，另外有大量海鮮刺身供應，特別驚喜嘅係其中一款燉湯打邊爐湯底，原鍋燉湯可以先飲晒啲湯再打邊爐，非常有創意，啱晒鍾意飲湯嘅我
✨▪️點咗嘢食之後店員就會拎一個九宮格嘅調味料俾你自己選擇，乾淨好企理，唔使離開座位行出行入，好方便，有齊晒蔥，芫荽，香芹，辣椒，蒜蓉，薑粒，洋蔥，芝麻，炸香蒜一定有幾款啱你口味
🐠▪️日本鯛魚刺身
原條即劏鯛魚刺身，細細條二人份量啱啱好，肉質入口彈牙，味道非常鮮嫩，魚味本質味道較淡，可以加少少Wasabi和淡醬油，提鮮魚味
🥘▪️鹿茸菌燉花膠湯
這個燉湯不得了，用鹿茸菌，鮮雞殼，雞腳，花膠一切熬製，味道清甜，絕無味精，未打邊爐之前我飲咗五六碗，一定要飲多啲唔好浪費，花膠同雞腳都唔可以錯過，都好好食，之後先再叫姐姐加湯再打邊爐😋
🐮▪️牛頸脊
睇埋相就知道非常高質，牛肉充滿油花，只需淥大約15秒八成熟左右，就係肉質係最佳狀態，非常軟腍充滿油脂香，太好食了
🥟▪️四拼餃
（鮮蝦雲吞，養顏桃膠餃，帶子餃，蟹黃餃）
全部自家包制，分量十足，每粒都大大粒，鮮蝦雲吞既蝦大隻爽口彈牙，配上新鮮豬肉，非常好食，必食推介，另外三款屬於創意十足餃，最特別係加上桃膠作為餃子嘅材料，塗膠嘅滑溜加上餡料嘅爽脆，我覺得非常唔錯
🍥▪️三拼丸
（黑松露豬肉丸，清酒蝦丸，柚子墨魚丸）
這三款丸類 ，亦屬於老闆自創嘅口味，黑松露豬肉丸中間有好多松露醬，豬肉丸爽口，入口超香松露味，清酒蝦丸除了蝦丸彈牙之外入口仲有淡淡清酒香，柚子墨魚丸加了柚子胡椒，令清淡嘅墨魚丸，更加惹味
🦪▪️大花甲 🦐大海蝦
這兩款海鮮只能用八個字來形容，超級大隻新鮮好食，大海蝦真係好大隻同彈牙到一個點，花甲都係一樣超大隻，完全冇沙好鮮甜
🦀▪️八吋日本蟹柳
第一次見咁長咁肥大嘅蟹柳，滾一滾好快就熟，雖然係坊蟹柳，但係味道非常唔錯，啖啖肉幾得意
🥗▪️田園盛
打邊爐就梗係一定要食蔬菜，蔬菜籃非常豐盛，
有菜心，生菜，娃娃菜，粟米，蕃茄，冬菇，香菇，而且用這個燉湯打邊爐令蔬菜更加鮮甜 ，平時打邊爐一定會食淨啲菜，但係今次全部清晒
✨一定會再都回訪，非常欣賞佢嘅燉湯，打邊爐材料非常高質新鮮，而且價錢合理，地理位置又方便，尖沙咀打邊爐必食推介👍🏻
張貼
