影片
更多
2022-09-04
264 瀏覽
上年都有嚟過呢間餐廳食晚餐，嗰陣係five-course set嚟～依家轉咗3-course dinner set~少咗啲appetizer, 但main course嘅份量都多咗啲～味道同服務依然好好，推介！✨Dinner set價錢視乎揀邊款手打意粉，分別有$388 set同 $488 set (另收加一)~🔸慢煮豬腩肉 配黑醋雪梨汁、石榴 sʟᴏᴡ-ᴄᴏᴏᴋᴇᴅ ᴘᴏʀᴋ ʙᴇʟʟʏ ᴡ/ sʜᴇʀʀʏ ʙᴀʟsᴀᴍɪᴄ ɢʟᴀᴢᴇ, ᴘᴏᴍᴇɢʀᴀɴᴀᴛᴇ係偏向瘦少少嘅豬腩，肉香濃郁，口感唔算話非常之稔，係有少少咬口嗰種～酸酸甜甜嘅黑醋雪梨汁同豬腩肉好夾，中和返豬腩肉嘅膩，好食！🔸香煎法國鵝肝配紅酒燴梨及榛子碎 sᴇᴀʀᴇᴅ ғᴏɪᴇ ɢʀᴀs ᴡɪᴛʜ ʀᴇᴅ ᴡɪɴᴇ ᴘᴏᴀᴄʜᴇᴅ ᴘᴇᴀʀ ᴀɴᴅ ᴄʀᴜsʜᴇᴅ ʜᴀᴢᴇʟɴᴜᴛ略為煎香咗嘅法國鵝肝油香撲鼻，口感細滑，單食就有啲過為油膩，但配埋以紅酒燴嘅梨一齊放入口食，味道就平衡好多，帶清新果香同酒香嘅梨中和返鵝肝嘅油膩感，同時令整道菜更有層次！🔸是日生蠔 ᴏʏsᴛᴇʀ (𝟼ᴘᴄs) $196呢日係法國空運嚟嘅生蠔～即
Dinner set價錢視乎揀邊款手打意粉，分別有$388 set同 $488 set (另收加一)~
🔸慢煮豬腩肉 配黑醋雪梨汁、石榴 sʟᴏᴡ-ᴄᴏᴏᴋᴇᴅ ᴘᴏʀᴋ ʙᴇʟʟʏ ᴡ/ sʜᴇʀʀʏ ʙᴀʟsᴀᴍɪᴄ ɢʟᴀᴢᴇ, ᴘᴏᴍᴇɢʀᴀɴᴀᴛᴇ
係偏向瘦少少嘅豬腩，肉香濃郁，口感唔算話非常之稔，係有少少咬口嗰種～酸酸甜甜嘅黑醋雪梨汁同豬腩肉好夾，中和返豬腩肉嘅膩，好食！
🔸香煎法國鵝肝配紅酒燴梨及榛子碎 sᴇᴀʀᴇᴅ ғᴏɪᴇ ɢʀᴀs ᴡɪᴛʜ ʀᴇᴅ ᴡɪɴᴇ ᴘᴏᴀᴄʜᴇᴅ ᴘᴇᴀʀ ᴀɴᴅ ᴄʀᴜsʜᴇᴅ ʜᴀᴢᴇʟɴᴜᴛ
略為煎香咗嘅法國鵝肝油香撲鼻，口感細滑，單食就有啲過為油膩，但配埋以紅酒燴嘅梨一齊放入口食，味道就平衡好多，帶清新果香同酒香嘅梨中和返鵝肝嘅油膩感，同時令整道菜更有層次！
🔸是日生蠔 ᴏʏsᴛᴇʀ (𝟼ᴘᴄs) $196
呢日係法國空運嚟嘅生蠔～即叫即香好新鮮，入口有濃郁嘅海水味，跟住會食出生蠔本身嘅鮮甜~唔錯～
🔸是日餐湯+餐包
餐湯係蕃茄湯，餐湯入面有滿滿嘅蕃茄蓉，入口除咗有蕃茄本身嘅鮮甜，亦都有微微嘅檸檬香氣，迷迭香嘅調味令餐湯味道昇華咗唔少～整體酸酸甜甜咁好開胃！
🔸卡邦尼手打意粉 ʜᴀɴᴅᴍᴀᴅᴇ ʟɪɴɢᴜɪɴᴇ ᴄᴀʀʙᴏɴᴀʀᴀ $388
手打扁意粉食落有咬口，而且非常掛汁，豬肉粒帶咸香同微微嘅黑椒調味，切成一粒粒嘅豬肉比一般卡邦尼意粉見到嘅煙肉/豬肉片口感更豐富，加埋薄脆芝士片除咗令賣相更精緻，亦都令個卡邦尼意粉味道更豐富更有層次！
🔸海膽醬手打意粉 配海葡萄、烏魚子 ʜᴀɴᴅᴍᴀᴅᴇ ʟɪɴɢᴜɪɴᴇ ᴡɪᴛʜ sᴇᴀ ᴜʀᴄʜɪɴ ᴘᴜʀéᴇ, ᴜᴍɪ ʙᴜᴅᴏᴜ, ᴍᴜʟʟᴇᴛ ʀᴏᴇ $488
呢個都係手打扁意粉，同樣十分掛汁！海膽醬好濃好杰身，而且香氣馥郁，每啖都係海膽嘅鮮甜味！如果鍾意食海膽嘅朋友一定會愛上呢個意粉！不過一上枱就要盡快食，怕凍咗會變腥～但我食就冇呢個問題，食到最後一啖都仲係好好味😆
🔸伯爵茶意式奶凍 配焦糖脆脆 ᴇᴀʀʟ ɢʀᴇʏ ᴘᴀɴɴᴀ ᴄᴏᴛᴛᴀ ᴡ/ ʜᴏɴᴇʏᴄᴏᴍʙ ᴄʀɪsᴘ
香濃嘅伯爵茶味～奶凍都好幼滑！
🔸意式提拉米蘇 ᴛɪʀᴀᴍɪsᴜ
咖啡酒嘅香氣好突出，口感creamy但亦保留到手指餅嘅口感，唔錯！
店員非常親切！除咗會主動介紹啲食物之外，亦會不時問吓對食物滿唔滿意，仲主動話幫我哋影相tim😆 當日係我同男朋友嘅生日，店員知道咗仲曬咗兩張合照比我哋🫶🏻成個用餐體驗都好愉快呀～而且環境都好靚坐得好舒適～
張貼
