喜膳燒

營業中

休息中

收工個陣同事提議不如成班去尖沙咀食串燒，我當然舉腳贊成，就上網搵咗呢間餐廳。其實當初揀佢都係貪尖沙咀寶勒巷地點夠方便，又估唔到原來嘢食都唔錯👍🏻首先揀咗海鮮試試先，燒蟶子皇、燒珍寶大扇貝，兩者都好新鮮，鮮甜彈牙！加埋蒜蓉非常香！之後就到大路串燒🔥燒牛肩胛、霜降和牛串兩者好重肉味，燒煙肉鵪鶉蛋一啖咬落去鵪鶉蛋即刻爆開好香蛋味！燒貢丸配沙嗲汁，貢丸肉香同沙嗲汁好夾😋燒蘆筍、翠玉瓜拿捏得好好，燒完都仲好有水份！當中最出色莫過於燒肉桂焦糖金菠蘿🍍菠蘿多汁鮮甜，面頭仲有焦糖薄脆，加埋肉桂粉勁香！最後整埋碗稻庭烏冬豬骨湯配溫泉蛋，勁飽！